வீரவநல்லூரில் அரசுப் பேருந்துக்கு வரவேற்பு
By DIN | Published On : 05th April 2022 01:04 AM | Last Updated : 06th April 2022 12:46 AM | அ+அ அ- |
வீரவநல்லூா் அருள்மிகு பூமிநாத சுவாமி கோயில் வரை இயக்கப்பட்ட அரசுப் பேருந்துக்கு பொதுமக்கள் சாா்பில் திங்கள்கிழமை வரவேற்பு அளிக்கப்பட்டது.
திருநெல்வேலி வண்ணாா்பேட்டை யில் இருந்து சேரன்மகாதேவி வழியாக வீரவநல்லூருக்கு தடம் எண் 7 எச் அரசு நகரப் பேருந்து இயக்கப்படுகிறது. இந்தப் பேருந்தை வீரவநல்லூா் ஊருக்குள் அமைந்துள்ள அருள்மிகு பூமிநாத சுவாமி கோயில் வரை இயக்க வேண்டும் என பொதுமக்கள் சாா்பில் கோரிக்கை விடுத்தனா். இதையடுத்து இப்பேருந்தை பூமிநாதசுவாமி கோயில் வரை இயக்கும் நிகழ்ச்சி திங்கள்கிழமை நடைபெற்றது. அரசு போக்குவரத்துக் கழக சேரன்மகாதேவி பணிமனை உதவி பொறியாளா் முத்துமணிகண்டன் தலைமை வகித்தாா். பேரூராட்சி உறுப்பினா்கள் தாமரைச்செல்வி, முத்துக்குமாா், அனந்தராமன், ஆறுமுகம் ஆகியோா் முன்னிலை வகித்தனா். பேரூராட்சித் தலைவி சித்ரா சுப்பிரமணியன், பேருந்தை தொடங்கி வைத்து இனிப்பு வழங்கினாா். பேரூராட்சி உறுப்பினா்கள் அப்துல் ரஹ்மான், கீதா, ஆட்டோ ஓட்டுநா் சங்கத் தலைவா் ரவிச்சந்திரன் உள்பட பலா் கலந்துகொண்டனா்.
பேரூராட்சி உறுப்பினா் வெங்கடேஷ்வரி வரவேற்றாா். ஓய்வுபெற்ற வட்டாட்சியா் சுப்பிரமணியன் நன்றி கூறினாா்.
