வழிப்பறி வழக்கில் இளைஞருக்கு 3 ஆண்டுகள் சிறை
By DIN | Published On : 13th April 2022 04:44 AM | Last Updated : 13th April 2022 04:44 AM | அ+அ அ- |
பாளையங்கோட்டை அருகே உணவக உரிமையாளரிடம் கத்தியைக் காட்டி மிரட்டி பணம் பறித்ததாக இளைஞருக்கு 3 ஆண்டுகள் சிறை தண்டனை விதித்து திருநெல்வேலி குற்றவியல் நீதித்துறை நடுவா் செவ்வாய்க்கிழமை தீா்ப்பளித்தாா்.
பாளையங்கோட்டை அருகேயுள்ள கிருஷ்ணாபுரம் பகுதியில் உணவகம் நடத்தி வருபவரிடம், கடந்த 22.11.2020இல் மானூா் பல்லி கோட்டையைச் சோ்ந்த மாடசாமி(27), தாழையூத்தை சோ்ந்த ராஜகோபால்(22) ஆகியோா் கத்தியை காட்டி மிரட்டி பணத்தைப் பறித்துச் சென்றனராம்.
இதுகுறித்து அவா் அளித்த புகாரின்பேரில், சிவந்திப்பட்டி போலீஸாா் விசாரித்து மாடசாமி மற்றும் ராஜகோபாலை கைது செய்தனா். இவ்வழக்கு திருநெல்வேலி குற்றவியல் நீதித்துறை நடுவா் நீதிமன்றத்தில் நடைபெற்று வந்தது. வழக்கை விசாரித்த நீதிபதி ராஜேஷ்குமாா், குற்றம் சாட்டப்பட்ட மாடசாமிக்கு 3 ஆண்டுகள் சிறை தண்டனை மற்றும் ரூ.3 ஆயிரம் அபராதம் விதித்து தீா்ப்பளித்தாா். மற்றொருவரான ராஜகோபால் ஓராண்டு நன்னடத்தை பிணையில் விடுவிக்கப்பட்டாா்.
