மாற்றுத்திறனாளிகள் சிறப்பு குறைதீா் கூட்டம்: ரூ.7.6 லட்சம் நலத்திட்ட உதவிகள் அளிப்பு

திருநெல்வேலி மாவட்ட ஆட்சியா் அலுவலகத்தில் நடைபெற்ற மாற்றுத் திறனாளிகள் சிறப்பு குறைதீா் கூட்டத்தில் ரூ.7 லட்சத்து 61 ஆயிரம் மதிப்பிலான நலத்திட்ட உதவிகள் வழங்கப்பட்டது.

திருநெல்வேலி மாவட்ட ஆட்சியா் அலுவலக வளா்ச்சிமன்ற கூட்ட அரங்கில் மாற்றுத்திறனாளிகள் சிறப்பு குறைதீா் கூட்டம் வெள்ளிக்கிழமை நடைபெற்றது.

இக்கூட்டத்தில் மாற்றுத்திறனாளிகளுக்கு உதவி உபகரணங்களான மூன்று சக்கர சைக்கிள், பெட்ரோல் ஸ்கூட்டா், மடக்கு சக்கர நாற்காலி, மோட்டாா் பொருத்திய சக்கர நாற்காலி, தையல் இயந்திரம், பிரெய்லி கைக் கடிகாரம், கருப்பு கண்ணாடி, ஊன்று கோல், பராமரிப்பு உதவித்தொகை ஆகியவற்றுக்கான மனுக்கள் பெறப்பட்டன.

தேசிய மயமாக்கப்பட்ட வங்கிகளின் மூலம் பிரதமரின் வேலைவாய்ப்பு உருவாக்கும் திட்டம், வேலைவாய்ப்பற்ற இளைஞா்களுக்கான வேலைவாய்ப்பு உருவாக்கும் திட்டம் ஆகியவற்றின் கீழ் தொடங்குதல், மாவட்ட மத்திய கூட்டுறவு வங்கியின் மூலம் குறைந்த வட்டியில் தொழில் தொடங்குவதற்கான வங்கிக் கடன், ஆவின் பொருள்கள் விற்பனை செய்யும் திட்டம், தனியாா் துறையில் வேலைவாய்ப்பு பெறுவதற்கான மனு என 400-க்கும் மேற்பட்ட மனுக்கள் பெறப்பட்டன.

அதைத்தொடா்ந்து தக்கசெயலிகளுடன் கூடிய திறன்பேசி வழங்கும் திட்டத்தின் கீ ழ் சுயதொழில் புரிவோா், கல்வி பயில்வோா், படித்த வேலை இல்லாத பட்ட தாரிகள், மகளிா் உள்ளிட்ட 50 பயனாளிகளுக்கு ரூ. 6.25 லட்சம் மதிப்பிலான நலத்திட்ட உதவிகள், கை,கால் பாதிப்பு, செவித்திறன் குறையுடையோா் மற்றும் மனவளா் ச்சி குன்றியோா், தாய்மாா்களுக்கு சுயதொழில்புரிவதற்கான தையல் இயந்திரம் வழங்கும் திட்டத்தின் கீழ் 20 பயனாளிகளுக்கு ரூ. 1,36,800 லட்சம் மதிப்பிலான நலத்திட் ட உதவிகள் என மொத்தம் ரூ.7 லட்சத்து 61 ஆயிரம் மதிப்பிலான நலத்திட்ட உதவிகளை ஆட்சியா் வே. விஷ்ணு வழங்கினாா்.

இக்கூட்டத்தில், மாவட்ட வருவாய் அலுவலா் தி. ஆ.பெருமாள், சமூக பாதுகாப்பு திட்ட தனித்துணை ஆட்சியா் குமாரதாஸ், மாற்றுத்திறனாளி நல அலுவலா் பிரம்மநாயகம் உள்ளிட்ட பலா் கலந்துகொண்டனா்.