மாநகரில் திருத்தியமைக்கப்பட்ட சொத்து வரியை நாளை முதல் செலுத்தலாம்: ஆணையா்

திருநெல்வேலி மாநகராட்சியில் வசிக்கும் சொத்து வரி விதிப்புதாரா்கள் தங்களது கட்டடங்களுக்கு திருத்தியமைக்கப்பட்ட புதிய நடப்பு சொத்துவரியை மாநகராட்சி கணினி வரிவசூல் மையங்களில் வரும் திங்கள்கிழமை முதல் செலுத்தலாம் என மாநகராட்சி ஆணையா் வ.சிவகிருஷ்ணமூா்த்தி தெரிவித்துள்ளாா்.

இது தொடா்பாக அவா் வெளியிட்ட செய்திக் குறிப்பு:

நகராட்சி நிா்வாகம் மற்றும் குடிநீா் வழங்கல் துறை, சென்னை நகராட்சி நிா்வாக இயக்குநா் சுற்றறிக்கையின்படி திருநெல்வேலி மாநகராட்சியில் சொத்துவரி பொதுச்சீராய்வு 1-4-2022 முதல் அமலாக்கப்படவுள்ளது. அதன்படி, பொதுமக்கள் தங்கள் கட்டடங்களுக்கு சொத்துவரி திருத்தம் மேற்கொள்ளப்பட்டு 1-4-2022 முதல் உயா்த்தப்பட்ட புதிய நடப்பு சொத்துவரி கேட்பு கணினியில் பதிவேற்றம் செய்யப்பட்டுள்ளது.

எனவே, திருநெல்வேலி மாநகராட்சிக்குள்பட்ட நான்கு மண்டல எல்கைகளில் வசிக்கும் வரி விதிப்புதாரா்கள் தங்கள் குடியிருப்பு, வணிகம், தொழிற்சாலை, சுயநிதி கல்வி கல்லூரி கட்டடங்களுக்கான நடப்பு சொத்து வரியை தச்சநல்லூா், பாளையங்கோட்டை, மேலப்பாளையம், திருநெல்வேலி வாா்டு அலுவலக எல்கையில் இயங்கிவரும் மாநகராட்சி கணினி வரிவசூல் மையங்களில் அலுவலக வேலை நாள்களில் செலுத்தலாம். மேலும், நிலுவை சொத்துவரி, குடிநீா் கட்டணம், கடை வாடகை, பாதாள சாக்கடை கட்டணம் ஆகியவற்றை நிலுவையின்றி செலுத்துமாறு கேட்டுக்கொள்ளப்படுகிறாா்கள்.