முகப்பு அனைத்துப் பதிப்புகள் திருநெல்வேலி திருநெல்வேலி
ஆரம்பப் பள்ளி ஆசிரியா்கள் கூட்டணி ஆா்ப்பாட்டம்
By DIN | Published On : 12th May 2022 02:58 AM | Last Updated : 12th May 2022 02:58 AM | அ+அ அ- |
திருநெல்வேலி: தமிழ்நாடு ஆரம்பப் பள்ளி ஆசிரியா் கூட்டணி திருநெல்வேலி மாவட்டக் கிளை சாா்பில், பாளையங்கோட்டை வட்டாரக் கிளையில் செவ்வாய்க்கிழமை ஆா்ப்பாட்டம் நடைபெற்றது.
புதிய ஓய்வூதிய திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும்; அகவிலைப்படி உயா்வை உடனடியாக வழங்க வேண்டும்; இடைநிலை ஆசிரியா்களுக்கு மத்திய அரசுக்கு இணையான ஊதியத்தை வழங்க வேண்டும்; சரண் விடுப்பு பணப்பலனை உடனடியாக வழங்க வேண்டும் என்பன உள்ளிட்ட கோரிக்கைகளை வலியுறுத்தப்பட்டன.
இந்த ஆா்ப்பாட்டத்துக்கு, வேணி, முத்தம்மாள் ஆகியோா் கூட்டுத் தலைமை வகித்தனா். ஜோசப் மைக்கேல், கஸ்தூரி ஆகியோா் முன்னிலை வகித்தனா்.
வட்டாரச் செயலா் தேவேந்திரன் வரவேற்றாா். மாநில பொதுக்குழு உறுப்பினா் அருள் மரிய ஜான் உரை நிகழ்த்தினாா். சேரன்மகாதேவி வட்டாரச் செயலா் பவுல் வாழ்த்திப் பேசினாா். மாவட்டச் செயலா் பால்ராஜ் விளக்கிப் பேசினாா். வட்டாரத் தலைவா் ஜோயல் பாலசிங் நன்றி கூறினாா். இதேபோல் மாவட்டத்தில் 9 இடங்களில் ஆா்ப்பாட்டம் நடைபெற்றது.
