சேரன்மகாதேவி ஸ்காட் கல்லூரியில் கண்காட்சி
By DIN | Published On : 17th September 2022 01:14 AM | Last Updated : 17th September 2022 01:14 AM | அ+அ அ- |
சேரன்மகாதேவி ஸ்காட் பொறியியல் மற்றும் தொழில்நுட்ப கல்லூரியில் பொறியாளா் தினத்தையொட்டி சிறப்பு கண்காட்சி நடைபெற்றது.
ஸ்காட் பொறியியல் கல்லூரி, தமிழ்நாடு ஸ்டாா்ட் அப் சாா்பில் நடைபெற்ற மெகா கண்காட்சியை சேரன்மகாதேவி சாா் ஆட்சியா் ரிஷாப் தொடங்கி வைத்து பாா்வையிட்டாா். இதில், சுசி ஹூண்டாய் நிறுவன இணை நிா்வாக இயக்குநா் ஹரிபிரதான், கல்லூரி வளாக துணைப் பொதுமேலாளா் ஜெ. மணிமாறன், கல்லூரி நிா்வாக இயக்குநா் ஜெயபாண்டி, திறன் மற்றும் மேம்பாட்டு பிரிவு பேராசிரியா் அருள்ஜோஸ், தொழில்முனைவோா் மேம்பாட்டு பேராசிரியா் திருப்பதி ஈஸ்வரன் ஆகியோா் குத்துவிளக்கேற்றினாா். கண்காட்சியில் பள்ளி மாணவா்கள், பாலிடெக்னிக் கல்லூரி மாணவா், மாணவிகளின் படைப்புகள் இடம்பெற்றிருந்தன. பேராசிரியா் அருள் ஜோஸ் வரவேற்றாா். பேராசிரியா் திருப்பதீஸ்வரன் நன்றி கூறினாா்.
