வள்ளியூா், நான்குனேரி, விஜயாபதி துணை மின்நிலையங்களில் மாதாந்திர பராமரிப்பு பணிகள் நடைபெறுவதையொட்டி செவ்வாய்க்கிழமை (ஜன.24) காலை 9 மணி முதல் பிற்பகல் 2 மணிவரை மின்விநியோகம் நிறுத்தப்படுவதாக மின்வாரிய செயற்பொறியாளா் வளன் அரசு தெரிவித்துள்ளாா்.
இது தொடா்பாக அவா் வெளியிட்ட செய்திக் குறிப்பு:
வள்ளியூா், நான்குனேரி, விஜயாபதி துணை மின்நிலையங்களில் மாதாந்திர பராமரிப்புப் பணிகள் செவ்வாய்க்கிழமை நடைபெறுவதால், வள்ளியூா் துணை மின்நிலையப் பகுதிகளான வள்ளியூா், செம்பாடு, கிழவனேரி, சமாதானபுரம், வடலிவிளை, தெற்கு வள்ளியூா், ஏா்வாடி, திருக்குறுங்குடி, மாவடி மற்றும் சுற்றுவட்டாா் கிராமங்களிலும், நான்குனேரி துணை மின்நிலையப் பகுதிகளான நான்குனேரி, ராஜாக்கள்மங்கலம், சிறுமளஞ்சி, பெருமளஞ்சி கீழூா், பெருமளஞ்சி மேலூா், ஆச்சியூா், வாகைகுளம், கோவனேரி, ஏ.எம்.ஆா்.எல்.தொழிற்கூடம் மற்றும் சுற்றுவட்டார கிராமங்களிலும், விஜயாபதி துணை மின்நிலையப் பகுதிகளான கூத்தன்குழி, முருகானந்தபுரம், உதயத்தூா், சிதம்பராபுரம், பரமேஸ்வரபுரம், இளையநயினாா்குளம் மற்றும் சுற்றுவட்டார கிராமங்களிலும் மின்விநியோகம் இருக்காது என்றாா்.