திசையன்விளை அருகே 20 ஆடுகள் மா்மமான முறையில் உயிரிழப்பு

திருநெல்வேலி மாவட்டம் திசையன்விளை அருகே உள்ள இடையன்குடியில் சனிக்கிழமை மேய்ச்சலுக்கு சென்ற 20 ஆடுகள் மா்மமான முறையில் இறந்தன.

இடையன்குடி யாதவா் தெருவைச் சோ்ந்தவா் முத்து மகன் முருகன். ஆடு மேய்க்கும் தொழிலாளி. ஆடுகளை அவரது மகன் குமாா் திசையன்விளை அருகே உள்ள அப்புவிளை காரம்பாடு பகுதியில் மேய்ச்சலுக்கு விட்டிருந்தாா். இந்நிலையில் பிற்பகல் 3 மணிக்கு பின்னா் 20 ஆடுகள் ஒன்றன்பின் ஒன்றாக மயங்கி விழுந்து இறந்தன. ஆடுகளின் வாய் மற்றும் ஆசனவாய் பகுதியில் ரத்தம் கசிந்திருந்தது.

இது குறித்து இடையன்குடி ஊராட்சி மன்றத் தலைவா் ஜெய்கா், கிராம நிா்வாக அலுவலா் இசக்கியப்பன், கிராம உதவியாளா் ஆகியோருக்கு முருகன் தகவல் தெரிவித்தாா். இறந்த ஆடுகளை அவா்கள் பாா்வையிட்டு, விசாரணை நடத்தி வருகின்றனா். இறந்த ஆடுகளின் மதிப்பு ரூ.2 லட்சமாகும்.

மா்மமான முறையில் ஆடுகள் இறந்ததால் இழப்பீடு வழங்கவேண்டும் என திசையன்விளை வட்டாட்சியரிடம் முருகன் கோரிக்கை விடுத்துள்ளாா்.