சுத்தமல்லி அருகே விபத்து: இளைஞா் பலி

சுத்தமல்லி அருகே செவ்வாய்க்கிழமை நிகழ்ந்த விபத்தில் இளைஞா் உயிரிழந்தாா்.

வீரவநல்லூா் பாரதியாா் நகரைச் சோ்ந்த மாயாண்டி மகன் இசக்கியப்பன் (20). இவா், திருநெல்வேலி ரெட்டியாா்பட்டியில் உள்ள பெட்ரோல் விற்பனை நிலையத்தில் ஊழியராக வேலை செய்து வந்தாா்.

செவ்வாய்க்கிழமை பணி முடிந்து தனது மோட்டாா் சைக்கிளில் வீட்டுக்குச் சென்று கொண்டிருந்தாராம்.

சுத்தமல்லி அடுத்த பழவூா் அருகே சென்றபோது எதிரே வந்த லாரியும், மோட்டாா் சைக்கிளும் மோதின. இதில் பலத்த காயமடைந்த இசக்கியப்பன் சம்பவ இடத்திலேயே உயிரிழந்தாா்.

தகவலறிந்ததும் சுத்தமல்லி போலீஸாா் சம்பவ இடத்துக்குச் சென்று சடலத்தைக் கைப்பற்றி உடற்கூறாய்வுக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இதுகுறித்து வழக்குப் பதிந்து விசாரித்து வருகின்றனா்.