களக்காட்டில் தூய்மைப் பணியாளா்களுக்கு மருத்துவ முகாம்

களக்காடு நகராட்சி அலுவலகத்தில் தூய்மைப் பணியாளா்களுக்கான சிறப்பு மருத்துவ முகாம் வெள்ளிக்கிழமை நடைபெற்றது.

களக்காடு நகராட்சி மற்றும் பாா்வதி நா்சிங் ஹோம் ஆகியவை இணைந்து இந்த முகாமினை நடத்தின. நகா்மன்றத் தலைவா் கா. சாந்திசுபாஷ் முகாமைத் தொடக்கி வைத்தாா். நகராட்சி ஆணையா் (பொறுப்பு) செல்வராஜ், நகராட்சி துணைத் தலைவா் பி.சி. ராஜன் ஆகியோா் முன்னிலை வகித்தனா். களக்காடு பாா்வதி நா்சிங் ஹோம் மருத்துவ அலுவலா் நிா்மலா பாஸ்கரன் தலைமையிலான மருத்துவக் குழுவினா் நகராட்சி தூய்மை பணியாளா்களுக்கு ரத்த அழுத்தம், இசிஜி மற்றும் ரத்தத்தில் சா்க்கரையின் அளவைக் கண்டறியும் பரிசோதனைகளை செய்தனா்.

நகா்மன்ற உறுப்பினா் சங்கரி, நகராட்சி மேலாளா் முருகன், சுகாதார மேற்பாா்வையாளா் வேலு, தூய்மை இந்தியா திட்ட மேற்பாா்வையாளா் ரமணி உள்பட பலா் கலந்து கொண்டனா். முகாம் ஏற்பாடுகளை நகராட்சி சுகாதார ஆய்வாளா் முத்துராமலிங்கம் செய்திருந்தாா்.