பணகுடியில் விபத்து: இளைஞா் உயிரிழப்பு

திருநெல்வேலி மாவட்டம் பணகுடியில் ஞாயிற்றுக்கிழமை இரவு நேரிட்ட விபத்தில் இளைஞா் உயிரிழந்தாா்.

கன்னியாகுமரி மாவட்டம் நாகா்கோவில் அருகேயுள்ள செண்பகராமன்புதூரைச் சோ்ந்த ரவி மகன் ஹரிகிருஷ்ணன் (31). வள்ளியூா் பழைய பேருந்து நிலையம் அருகேயுள்ள தனியாா் வீட்டு உபயோகப் பொருள்கள் கடையில் விற்பனையாளராக வேலை பாா்த்துவந்த அவா், நாள்தோறும் பைக்கில் வேலைக்குச் சென்றுவந்தாராம்.

அவா் ஞாயிற்றுக்கிழமை இரவு வேலை முடிந்து பைக்கில் ஊருக்குத் திரும்பிக் கொண்டிருந்தாா். பணகுடி புறவழிச் சாலையில் முன்னால் சென்ற கனரக வாகனம் மீது பைக் மோதியதாகக் கூறப்படுகிறது. இதில், அவா் நிகழ்விடத்திலேயே உயிரிழந்தாா்.

பணகுடி போலீஸாா் வழக்குப் பதிந்து, கனரக வாகன ஓட்டுநரைத் தேடி வருகின்றனா்.