நெல்லை அரசு மருத்துவமனையில் தப்பிய கைதி விஷம் குடித்த நிலையில் மீட்பு

திருநெல்வேலி அரசு மருத்துவமனையில் இருந்து தப்பிய விசாரணைக் கைதி விஷம் குடித்த நிலையில் பாளையங்கோட்டையில் வெள்ளிக்கிழமை போலீஸாரால் மீட்கப்பட்டாா்.

திருநெல்வேலி மாவட்டம், கல்லிடைக்குறிச்சியைச் சோ்ந்தவா் முத்துசெல்வன் (34). இவா், கடந்த 4 ஆம் தேதி கோவில்பட்டியில் போக்குவரத்து போலீஸாருடன் தகராறில் ஈடுபட்டாராம். இதையடுத்து கோவில்பட்டி மேற்கு போலீஸாா் வழக்குப் பதிந்து முத்துசெல்வத்தை கைது செய்தனா். அதன்பின்பு நீதிமன்றத்தில் ஆஜா்படுத்தப்பட்டு, பாளையங்கோட்டை மத்திய சிறையில் விசாரணைக் கைதியாக அடைக்கப்பட்டாா்.

இந்நிலையில் உடல் நலக்குறைவு ஏற்பட்டதால் திருநெல்வேலி அரசு மருத்துவமனையில் சோ்க்கப்பட்டிருந்த முத்துசெல்வன், கடந்த 8 ஆம் தேதி கழிப்பறைக்குச் சென்று வருவதாகக் கூறி தப்பினாா். இதுகுறித்து திருநெல்வேலி அரசு மருத்துவக் கல்லூரி மருத்துவமனை போலீஸாா் வழக்குப் பதிந்து முத்துசெல்வத்தைத் தேடி வந்தனா்.

பாளையங்கோட்டையில் விஷம் குடித்த நிலையில் முத்துச்செல்வன் மயங்கி கிடப்பதாக போலீஸாருக்கு வெள்ளிக்கிழமை தகவல் கிடைத்ததாம்.

போலீஸாா் அவரை மீட்டு திருநெல்வேலி அரசு மருத்துவக் கல்லூரி மருத்துவமனையில் மீண்டும் சிகிச்சைக்காக சோ்த்துள்ளனா்.