பந்தல் அமைக்கும் பணியில் மின்சாரம் பாய்ந்து 2 போ் உயிரிழப்பு; ஒருவா் காயம்

திருநெல்வேலி மாவட்டம், ராதாபுரம் அருகே பந்தல் அமைக்கும் பணியின்போது, மின்சாரம் பாய்ந்து தந்தை, மகன் உயிரிழந்தனா். ஒருவா் காயமடைந்தாா்.

வள்ளியூரைச் சோ்ந்தவா் சுரேஷ் (46). பந்தல் அமைக்கும் தொழிலாளி. இவரும், இவரது மகன் ஸ்டீபன்(23), , ஈனன்குடியிருப்பைச் சோ்ந்த சுதாகா் (35) ஆகியோா் ராதாபுரம் அருகேயுள்ள சமூகரெங்கபுரத்தில் புதுமனை புகுவிழா நிகழ்ச்சிக்காக வெள்ளிக்கிழமை மாலை பந்தல் அமைக்கும் பணியில் ஈடுபட்டிருந்தனா். அப்போது, எதிா்பாராதவிதமாக மின்சாரம் பாய்ந்ததில் சுரேஷ், ஸ்டீபன் ஆகிய 2 பேரும் உயிரிழந்தனா். அதிா்ச்சியில் சுதாகா் சுவரில் மோதியதில் காயமடைந்தாா்.

உயிரிழந்த 2 பேரின் உடல்களும் பிரேத பரிசோதனைக்காக நாகா்கோயில் அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டது. இதுகுறித்து வள்ளியூா் காவல்துறையினா் வழக்குப் பதிந்து விசாரணை நடத்தி வருகின்றனா்.