எட்டயபுரம் அருகே காணாமல்போன முதியவர் சடலமாக மீட்பு

எட்டயபுரம் அருகே மனநிலை பாதிக்கப்பட்ட நிலையில் காணாமல் போன முதியவர் செவ்வாய்க்கிழமை சடலமாக மீட்கப்பட்டார்.

எட்டயபுரம் வட்டம் கீழக்கரந்தை நடுத்தெருவைச் சேர்ந்தவர் ராமசாமி (86). முதியவரான இவர்,  அண்மைக்காலமாக உடல்நிலை மற்றும் மனநிலை பாதிக்கப்பட்ட நிலையில் அப்பகுதியில் இருந்து வந்தாராம்.

இந்நிலையில் ஒரு வாரத்துக்கு முன்பு முதியவரை திடீரென காணவில்லையாம். இதையடுத்து அவரது மனைவி கோமதி (76) மாசார்பட்டி காவல்நிலையத்தில் அளித்த புகாரின்பேரில் போலீஸார் அவரைத் தேடி வந்தனர். இதற்கிடையே, ராமசாமி கீழக்கரந்தை அருகேயுள்ள காட்டுப்பகுதியில் இறந்த நிலையில், கிடப்பதாக செவ்வாய்க்கிழமை போலீஸாருக்கு தகவல் கிடைத்தது.

இதையடுத்து போலீஸார் சடலத்தை மீட்டு விளாத்திகுளம் அரசு மருத்துவமனையில் பிரேத பரிசோதனைக்காக அனுமதித்தனர். மேலும் இதுகுறித்து மாசார்பட்டி போலீஸார் விசாரித்து வருகின்றனர்.