Enable Javscript for better performance
தாமிரத்தாது இறக்குமதி செய்ய அனுமதிக்க கூடாது: சுங்கத்துறை உதவி ஆணையரிடம் அமமுக மனு- Dinamani

சுடச்சுட

    

    தாமிரத்தாது இறக்குமதி செய்ய அனுமதிக்க கூடாது: சுங்கத்துறை உதவி ஆணையரிடம் அமமுக மனு

    By DIN  |   Published on : 31st March 2018 07:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தாமிரத்தாது இறக்குமதி செய்ய அனுமதி அளிக்கக்கூடாது என வலியுறுத்தி, தூத்துக்குடி சுங்கத்துறை உதவி ஆணையரிடம் அம்மா மக்கள் முன்னேற்றக் கழகம் சார்பில் வெள்ளிக்கிழமை மனு அளிக்கப்பட்டது.
    இதுதொடர்பாக, அம்மா மக்கள் முன்னேற்றக் கழக தூத்துக்குடி மாவட்டச் செயலர் ஹென்றி தாமஸ் தலைமையில் சுங்கத்துறை உதவி ஆணையர் பன்னீர்செல்வத்திடம் வெள்ளிக்கிழமை அளிக்கப்பட்ட மனு விவரம்:
    தூத்துக்குடி சிப்காட் வளாகத்தில் இயங்கி வரும் ஸ்டெர்லைட் காப்பர் நிறுவனத்தால் பொதுமக்களுக்கு பல்வேறு நோய்கள் வருவதாக புகார் எழுந்துள்ளது. இதுதொடர்பாக, பல்வேறு தொடர் போராட்டங்கள் நடைபெற்று வருகின்றன. 
    இந்நிலையில், ஆப்பிரிக்க நாடுகளில் இருந்து தாமிரத்தாது கொண்டுவரப்பட்டு, தூத்துக்குடி வஉசி துறைமுகத்தில் சனிக்கிழமை (மார்ச் 31) இறக்குமதி செய்யப்பட உள்ளதாக தகவல் வெளியாகி உள்ளது. நீர், நிலம், காற்று என அனைத்து வகையிலும் மாசு ஏற்படுத்தி வரும் ஆலைக்கு தாமிரத்தாது கொண்டுச் செல்ல அனுமதி அளிக்கக் கூடாது. எனவே, கப்பலில் வரும் தாமிரத்தாதுவை தூத்துக்குடி துறைமுகத்தில் இறக்குமதி செய்ய அனுமதி அளிக்கக் கூடாது என மனுவில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai