சாத்தான்குளம் கருப்பசுவாமி கோயிலில் மகா கும்பாபிஷேகம்

சாத்தான்குளம் தட்டார் மேலத் தெரு  ஸ்ரீகருப்பசுவாமி கோயிலில் அஷ்டபந்தன மகா கும்பாபிஷேகம் புதன்கிழமை  நடைபெற்றது. 
இக்கோயிலில், அஷ்ட பந்தன மகா கும்பாபிஷேக விழா   திங்கள்கிழமை ( ஏப். 15) தொடங்கி புதன்கிழமை  (ஏப்.17) வரை 3 நாள்கள் நடைபெற்றது. தொடக்க நாளன்று காலை 7 மணிக்கு அனுக்ஞை, விக்னேஸ்வரபூஜை, மகாகணபதி ஹோமம், கோபூஜை, கஜபூஜை தீபாராதனை, மாலை 5 மணிக்கு தீர்த்த சங்கரணம், எஜமான வர்ணம், கும்பஅலங்காரம், இரவு 10 மணிக்கு முதல்கால யாக பூஜை ஆகியவை நடைபெற்றன.
2ஆம் நாளான செவ்வாய்க்கிழமை (ஏப். 16) காலை 8 மணிக்கு யாகசாலை பூஜை, வேதிகா அர்ச்சனை, பூர்ணாஹுதி, தீபாராதனை, மாலை 6 மணிக்கு மூன்றாம் கால யாக பூஜை, இரவு 7மணியிலிருந்து 8 மணிக்குள் குரு ஓரையில் யந்திரஸ்தாபனம், அஷ்டபந்தனம் ஆகியவை நடைபெற்றன. 3ஆம் நாளான புதன்கிழமை காலை 5 மணிக்கு யாகசாலை பூஜை, நாடிசந்தனம், மகா பூர்ணாஹுதி, யாத்ராதானம், கடம் எழுந்தருளல், காலை 9 மணியிலிருந்து 10 மணிக்குள் மூலஸ்தான மூர்த்தி மற்றும் பரிவார தெய்வங்களுக்கு மகா கும்பாபிஷேகம் நடைபெற்றது. நண்பகல் 12 மணிக்கு மகேஸ்வர பூஜை, அலங்கார தீபாராதனை நடைபெற்றது. பிற்பகல் 12.30 மணிக்கு அன்னதானம் வழங்கப்பட்டது.