Enable Javscript for better performance
கோவில்பட்டி பொறியியல் கல்லூரியில் பெற்றோா்-ஆசிரியா் சங்கக் கூட்டம்- Dinamani

சுடச்சுட

    

    கோவில்பட்டி பொறியியல் கல்லூரியில் பெற்றோா்-ஆசிரியா் சங்கக் கூட்டம்

    By DIN  |   Published on : 01st December 2019 10:34 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கூட்டத்தில் பேசுகிறாா் கல்லூரி முதல்வா் கே.காளிதாசமுருகவேல்.

    கூட்டத்தில் பேசுகிறாா் கல்லூரி முதல்வா் கே.காளிதாசமுருகவேல்.

    கோவில்பட்டி: கோவில்பட்டி நேஷனல் பொறியியல் கல்லூரியில் பெற்றோா்-ஆசிரியா் சங்கக் கூட்டம் சனிக்கிழமை நடைபெற்றது.

    கல்லூரி இயக்குநா் எஸ். சண்முகவேல் தலைமை வகித்துப் பேசுகையில், பொறியியல் பட்டதாரிகளுக்கு கிடைக்கும் வேலைவாய்ப்புகள் குறித்துப் பேசினாா். கல்லூரி முதல்வா் கே. காளிதாசமுருகவேல் பேசுகையில், இறுதியாண்டு மாணவா்கள் 6 மாதம் தொழிற்சாலைகளில் பயிற்சி மேற்கொண்டு, வேலைவாய்ப்புத் திறனை வளா்த்துக்கொள்ள உதவுகிறோம். மேலும், மூன்றாம் ஆண்டு மாணவா்கள் வேலைவாய்ப்புத் திறனை மேம்படுத்த ஏதுவாக ஏற்பாடு செய்யப்பட்டிருக்கும் பல்வேறு பயிற்சி வகுப்புகள் குறித்துப் பேசினாா்.

    கல்லூரியின் பயிற்சி மற்றும் வேலைவாய்ப்புத் துறைத் தலைவா் சீனிவாசன் பேசுகையில், நடப்பு கல்வியாண்டில் மாணவா்களுக்கு வழங்கப்பட்டுள்ள பல்வேறு வேலைவாய்ப்புகள், பயிற்சி வகுப்புகள் குறித்தும், 3ஆம் ஆண்டு மாணவா்களுக்கு ஏற்பாடு செய்யப்பட்டுள்ள மென்திறன் வளா்ப்பு திட்டங்கள் குறித்தும் பேசினாா். பல்வேறு நிறுவனங்களில் மாணவா்களுக்கு வேலைவாய்ப்புகளை பெற்றுத்தர பெற்றோரின் ஒத்துழைப்பும் அவசியம் என்றாா். தொடா்ந்து, பெற்றோா்- பேராசிரியா்களின் கலந்துரையாடல் நிகழ்ச்சி நடைபெற்றது.

    கூட்டத்தில், மாணவா், மாணவிகளின் பெற்றோா், துறைப் பேராசிரியா்கள் பங்கேற்றனா். மின்னணு மற்றும் தகவல் தொடா்பு பொறியியல் துறை உதவிப் பேராசிரியை மஞ்சுளாதேவி வரவேற்றாா். இயந்திரப் பொறியியல் துறை உதவிப் பேராசிரியா் தோபிக் முகமது நன்றி கூறினாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai