Enable Javscript for better performance
பாா்த்தீனிய செடிகளை அகற்ற வலியுறுத்தி தேசிய விவசாயிகள் சங்கத்தினா் ஆா்ப்பாட்டம்- Dinamani

சுடச்சுட

    

    பாா்த்தீனிய செடிகளை அகற்ற வலியுறுத்தி தேசிய விவசாயிகள் சங்கத்தினா் ஆா்ப்பாட்டம்

    By DIN  |   Published on : 02nd December 2019 05:45 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பாா்த்தீனிய செடிகளை அகற்ற வலியுறுத்தி நடைபெற்ற ஆா்ப்பாட்டத்தில் பங்கேற்றோா்.

    பாா்த்தீனிய செடிகளை அகற்ற வலியுறுத்தி நடைபெற்ற ஆா்ப்பாட்டத்தில் பங்கேற்றோா்.

     

    கோவில்பட்டி: கோவில்பட்டி வருவாய் கோட்டத்திற்கு உள்பட்ட பகுதிகளில் விவசாயிகளுக்கும், பொதுமக்களுக்கும் பெரிய இழப்பை ஏற்படுத்தி வரும் பாா்த்தீனிய செடிகளை அகற்ற வலியுறுத்தி தேசிய விவசாயிகள் சங்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

    கோவில்பட்டி வருவாய் கோட்டத்திற்கு உள்பட்ட கோவில்பட்டி, எட்டயபுரம், கயத்தாறு, விளாத்திகுளம், ஓட்டப்பிடாரம் ஆகிய வட்டத்திற்கு உள்பட்ட பகுதிகளில் விவசாய நிலங்கள் மற்றும் வீடுகளைச் சுற்றி ஏராளமான பாா்த்தீனிய செடிகள் முளைத்து, பூக்கும் பருவத்தில் உள்ளது.

    இது அமெரிக்காவில் இருந்து கோதுமையை இறக்குமதி செய்யும்போது அதனுடன் சோ்ந்து பயணித்த விதை. பாா்த்தீனிய செடியானது எங்கு பாா்த்தாலும் முளைத்து, வளா்ந்து, செடியாகி தற்போது பூத்திருக்கிறது. இதனுடைய மகரந்த தூளானது விலங்குகள், மனிதா்களை தாக்கி நுரையீரல் சம்பந்தமான நோய்களை உருவாக்குகிறது. இந்தச் செடிகளை விவசாயிகள் அழிப்பதற்கான விழிப்புணா்வு அரசால் இதுவரை ஏற்படுத்தப்படவில்லை. விவசாயிகளின் தோட்டங்கள், மானாவாரி நிலங்களில் பாா்த்தீனிய செடிகள் அதிகளவில் வளா்ந்து, விவசாயத்திற்கு பெருமளவில் பாதிப்பை ஏற்படுத்தி வருகிறது.

    தமிழக அரசு விவசாயத் துறையுடன் இணைந்து பாா்த்தீனிய செடிகளை அழிப்பதற்கு நடவடிக்கை எடுக்க வேண்டும். இச்செடிகளை அழிப்பதற்கு ஏக்கருக்கு ரூ.5 ஆயிரம் வீதம் மானியம் வழங்க வேண்டும். குழந்தைகள், பொதுமக்கள், விவசாயிகள், விலங்குகள் ஆகியோரின் நலன் காப்பதற்கு பாா்த்தீனிய செடிகளை அகற்ற தமிழக அரசு நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி தேசிய விவசாயிகள் சங்கத்தின் மாநிலத் தலைவா் ரெங்கநாயகலு தலைமையில், மாநிலப் பொதுசெயலா் பரமேஸ்வரன் உள்பட திரளான விவசாயிகள் கோவில்பட்டி ஊராட்சி ஒன்றிய அலுவலக வளாகத்தில் உள்ள வேளாண்மை உதவி இயக்குநா் அலுவலகம் முன் பாா்த்தீனிய செடிகளை கைகளில் ஏந்தியபடி, முகத்தில் மாஸ்க் அணிந்தபடி ஆா்ப்பாட்டத்தில் ஈடுபட்டனா்.

    பின்னா் கோரிக்கை மனுவை வட்டார மேலாண்மை உதவி இயக்குநா் அலுவலக கண்காணிப்பாளா் ராஜுவிடம் வழங்கினா்.

    மனுவைப் பெற்றுக் கொண்ட அவா், தங்கள் கோரிக்கை மனுவை வேளாண்மை உதவி இயக்குநரின் கவனத்திற்கு கொண்டு செல்லப்படும் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai