ஸ்ரீவைகுண்டம் பிச்சனாா்தோப்பு குடியிருப்புப் பகுதியில் வீடுகளின் முன்பாக மிகவும் தாழ்வாக செல்லும் மின் கம்பிகளை மாற்றி அமைத்திட வேண்டுமன பொதுமக்கள் கோரிக்கை விடுத்துள்ளனா்.
ஸ்ரீவைகுண்டம் பிச்சனாா் தோப்பில் 50 க்கும் மேற்பட்ட வீடுகள் உள்ளன. இப்பகுதியில் உள்ள இரும்பிலான மின்கம்பத்தின் அடிப்பகுதி மிகவும் அரித்துப்போய் ஆபத்தான நிலையில் உள்ளது. மின் கம்பிகள் சாய்ந்த நிலையில் இருப்பதால் உயா்அழுத்தம் கொண்ட மின்கம்பிகள் அனைத்தும் தெருவிலுள்ள வீடுகளை உரசியபடி உள்ளது.
தற்போது மழைக்காலமாக இருப்பதால் உயா் அழுத்தம் கொண்ட இந்த மின்கம்பிகள் வழியாக மின்சாரம் வீடுகளுக்கு உள்ளே வெளியே செல்லும் பெண்கள், குழந்தைகளை தாக்கிடும் வகையில் இருப்பதால் பொதுமக்கள் பெரும் அச்சம் அடைந்துள்ளனா். மிகவும் தாழ்வாக செல்லும் மின் கம்பிகளையும், பழுதான நிலையிலுள்ள இரும்பு மின் கம்பங்களையும் சீரமைக்க வேண்டும் என பொதுமக்கள் கோரிக்கை விடுத்துள்ளனா்.