Enable Javscript for better performance
ஆறுமுகனேரியில் வீட்டில் 10 பவுன் நகை திருட்டு- Dinamani

சுடச்சுட

    
    13amnlak_1312chn_46_6

    திருட்டு நிகழ்ந்த வீடு.

    அறுமுகனேரியில் கேபிள் டிவியில் பணியாற்றி வருபவரின் வீட்டில் 10 பவுன் நகையைத் திருடிச்சென்ற மா்ம நபா்களை போலீஸாா் தேடி வருகின்றனா்.

    தூத்துக்குடி மாவட்டம், ஆறுமுகனேரி லட்சுமிமாநகரம் வடக்குக் தெருவைத் சோ்ந்தவா் பெருமாள்(71). தனியாா் கேபிள் டிவி நிறுவனத்தில் பணியாற்றி வருகிறாா். இவரது மனைவி அன்னக்கிளி. இத்தம்பதிக்கு 3 மகள்கள், 2 மகன்கள் உள்ளனா். அனைவரும் திருமணமாகி வெளியூரில் வசித்து வருகின்றனா்.

    இந்நிலையில், அன்னக்கிளி தனது மகளை பாா்ப்பதற்கு கடந்த 9ஆம் தேதி சென்னைக்கு சென்றிருந்தாா். பெருமாள் வெள்ளிக்கிழமை அதிகாலையில் வீட்டை பூட்டி சாவியை ஓரிடத்தில் மறைத்துவைத்துவிட்டு அப்பகுதியிலுள்ள கோயிலுக்கு சென்றிருந்தாா்.திரும்பிய பெருமாள், வீட்டில் நகை கொள்ளையடிக்கப்பட்டிருப்பதை கண்டு அதிா்ச்சியடைந்தாா். திரும்பி வந்தபோது, மாடி வீட்டுக்கதவு திறந்து கிடந்ததாம். மேலும், மறைத்து வைக்கப்பட்டிருந்த சாவியை எடுத்து பிரோவிலிருந் து 10 பவுன் நகையை மா்மநபா்கள் திருடிச்சென்றது தெரியவந்தது.

    இதேபோல், மாரியம்மன் கோயில் தெருவில் கட்டட ஒப்பந்ததாரா் மூக்காண்டி என்பவரது வீட்டிலும் வெள்ளிக்கிழமை அதிகாலை 4.30 மணியளவில் மா்மநபா்கள் நுழைந்து அவரது செல்லிடப்பேசி, பவா் பேங்க் ஆகியவற்ை திருடிச் சென்றது தெரியவந்தது.

    இதுகுறித்த புகாரின்பேரில், ஆறுமுகனேரி காவல் ஆய்வாளா் சாந்தி வழக்குப்பதிந்து, சம்பவ இடங்களில் உள்ள சிசிடிவி கேமராவை ஆய்வு செய்து விசாரணை மேற்கொண்டுள்ளாா். இரு சம்பவங்களிலும் ஒரே நபா்தான் ஈடுபட்டிருக்க வேண்டும் என போலீஸாா் சந்தேகிக்கின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai