தூத்துக்குடி மாவட்ட அளவிலான செஸ் போட்டி கோவில்பட்டியில் வருகிற 20ஆம் தேதி நடைபெறுகிறது.
இதுகுறித்து கோவில்பட்டி வட்ட சதுரங்கக் கழகச் செயலர் மணிமொழிநங்கை வெளியிட்ட அறிக்கை: தூத்துக்குடி மாவட்ட அளவிலான செஸ் போட்டி, கோவில்பட்டி எட்டயபுரம் சாலையில் உள்ள சிதம்பர நாடார் காமாட்சியம்மாள் திருமண மண்டபத்தில் இம்மாதம் 20ஆம் தேதி நடைபெறுகிறது. 7, 11, 15 மற்றும் 25 வயதுக்குள்பட்டோர் என 4 பிரிவுகளாக நடைபெறும் இப்போட்டியில் பங்குபெற விரும்புவோர் இம்மாதம் 19ஆம் தேதி மாலை 6 மணிக்குள் பதிவு செய்ய வேண்டும். ஒவ்வொரு பிரிவிலும் முதல் 2 இடங்களைப் பெறும் ஆண்கள் மற்றும் பெண்கள் மாநில அளவிலான போட்டிக்கு தகுதி பெறுவர். போட்டியில் பங்குபெறுவோர் செஸ் பலகை, உபகரணங்கள் மற்றும் பிறப்புச் சான்றிதழ் அல்லது பள்ளி அடையாள அட்டை கொண்டு வர வேண்டும்.
போட்டியில் பங்குபெற விரும்புவோர் 98658-30030, 94860-24960, 90036-14942 ஆகிய செல்லிடப்பேசி எண்களில் தொடர்பு கொள்ளலாம் என அறிக்கையில் தெரிவிக்கப்பட்டுள்ளது.