முக்காணி ஆதிபரமேஸ்வரி அம்மன் கோயில் கொடை விழா

முக்காணி அருள்மிகு ஆதிபரமேஸ்வரி அம்மன் கோயில் கொடைவிழா 3 நாள்கள் நடைபெற்றது.
தொடக்க நாளான திங்கள்கிழமை காலை 5 மணிக்கு  மகா கணபதி ஹோமம் நடைபெற்றது. நள்ளிரவு 12 மணிக்கு மாக்காப்பு தீபாராதனை நடைபெற்றது.
செவ்வாய்க்கிழமை அதிகாலை 5 மணிக்கு வேத பாராயணம், மூலமந்திர ஹோமம் நடைபெற்றது. காலை 8 மணிக்கு புனிதநீர் மற்றும் பால்குடம் எடுத்து வரப்பட்டது. முற்பகல் 11 மணிக்கு மூலவர் மற்றும் பரிவார தேவதைகளுக்கு மகா அபிஷேகம், நண்பகல் 12 மணிக்கு உச்சிகால தீபாராதனை நடைபெற்றது. மாலை 6 மணிக்கு திருமஞ்சன குடம் எடுத்து வரப்பட்டது. நள்ளிரவு 12 மணிக்கு சிறப்பு அலங்கார தீபாராதனையைத் தொடர்ந்து அம்பாள் வீதியுலா நடைபெற்றது. புதன்கிழமை அதிகாலை 3 மணிக்கு அம்பாள் சேர்க்கைக்கு பின்னர், படைப்பு தீபாராதனை நடைபெற்றது. காலை 10 மணிக்கு அம்பாள் மஞ்சள் நீராடி வீதியுலா நடைபெற்றது. ஏற்பாடுகளை முக்காணி கிராம சேனைத் தலைவர் சமுதாயம் மற்றும் வீரபாகு சேனைத் தலைவர் இளைஞரணியினர் செய்திருந்தனர்.