தூத்துக்குடி வடக்கு மாவட்ட காங்கிரஸ் கமிட்டி எஸ்.சி. பிரிவு சார்பில் தமிழக முன்னாள் அமைச்சர் கக்கன் பிறந்த நாள் விழா செவ்வாய்க்கிழமை கொண்டாடப்பட்டது.
விழாவுக்கு காங்கிரஸ் கட்சியின் மாவட்ட துணைத் தலைவர் வீரப்பெருமாள் தலைமை வகித்தார். எஸ்.சி.பிரிவு தலைவர் மாரிமுத்து, கக்கன் படத்துக்கு மாலை அணிவித்து மலர் தூவி மரியாதை செலுத்தினார். இந்நிகழ்ச்சியில், காங்கிரஸ் கட்சி நகரத் தலைவர் சண்முகராஜ், மாவட்ட துணைத் தலைவர்கள் திருப்பதிராஜா, ராமசந்திரன், மாவட்டச் செயலர் முத்து, எஸ்.சி.பிரிவு மாவட்ட துணைத் தலைவர் கனகராஜ் மற்றும் காங்கிரஸ் கட்சி நிர்வாகிகள் சுந்தரராஜ், லட்சுமிகாந்தன், ராஜேந்திரன், தங்கமாரியப்பன், அருணாசலம் உள்ளிட்ட பலர் கலந்து கொண்டனர்.