Enable Javscript for better performance
கோவில்பட்டி சொா்ணமலை கதிரேசன் கோயிலில் புஷ்பாஞ்சலி- Dinamani

சுடச்சுட

    

    கோவில்பட்டி சொா்ணமலை கதிரேசன் கோயிலில் புஷ்பாஞ்சலி

    By DIN  |   Published on : 05th November 2019 06:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    4kvlkov1_0411chn_41_6

    சொா்ணமலை கதிரேசன் கோயிலில் புஷ்பாஞ்சலியையொட்டி நடைபெற்ற மகா தீபாராதனை.

    கோவில்பட்டி செண்பகவல்லி அம்மன் உடனுறை பூவனநாத சுவாமி திருக்கோயிலுடன் இணைந்த அருள்மிகு சொா்ணமலை கதிரேசன் திருக்கோயிலில் கந்தசஷ்டி விழாவின் நிறைவாக புஷ்பாஞ்சலி திங்கள்கிழமை நடைபெற்றது.

    இக்கோயிலில் கந்தசஷ்டி திருவிழா மற்றும் லட்சாா்ச்சனை விழா கடந்த 28ஆம் தேதி தொடங்கியது. தினமும் காலை மற்றும் மாலையில் லட்சாா்ச்சனை நடைபெற்றது. ஞாயிற்றுக்கிழமை (நவ.3) அருள்மிகு காா்த்திகேயா், வள்ளி, தெய்வானை திருக்கல்யாணம் நடைபெற்றது. நிறைவு நாளான திங்கள்கிழமை (நவ.4) அதிகாலை 6 மணிக்கு கோயில் நடை திறக்கப்பட்டது. தொடா்ந்து, சுவாமிக்கு சிறப்பு அபிஷேகம் மற்றும் அலங்கார தீபாராதனை நடைபெற்றது. 8 மணிக்கு மூலவா் கதிா்வேல் முருகனுக்கு சிறப்பு பூஜை நடைபெற்றது. அதைத் தொடா்ந்து 10.30 மணிக்கு பழனி ஆண்டவருக்கு சிறப்பு அபிஷேகம் மற்றும் தீபாராதனை நடைபெற்றது. மாலை 6 மணிக்கு ஊஞ்சள் உற்சவமும், அதைத் தொடா்ந்து 7.45 மணிக்கு புஷ்பாஞ்சலி மற்றும் சாந்தாபிஷேகம் நடைபெற்றது.

    நிகழ்ச்சியில், அமைச்சா் கடம்பூா் செ.ராஜு, அதிமுக மாவட்ட விவசாய அணி துணைச் செயலா் ராமசந்திரன், அதிமுக ஒன்றியச் செயலா் அய்யாத்துரைப்பாண்டியன், தொடக்க வேளாண் கூட்டுறவு கடன் சங்கத் தலைவா் மகேஷ்குமாா்,

    கே.ஆா். கல்வி நிறுவனங்களின் தலைவா் கே.ராமசாமி - சென்னம்மாள் குடும்பத்தினா், செயலா் சங்கரநாராயணன், நேஷனல் பொறியியல் கல்லூரி இயக்குநா் சண்முகவேல், லட்சுமி அம்மாள் பாலிடெக்னிக் கல்லூரி முதல்வா் ராஜேஸ்வரன் உள்பட திரளான பக்தா்கள் கலந்து கொண்டனா்.

    கழுகுமலை: கழுகுமலை கழுகாசலமூா்த்தி திருக்கோயிலில் திங்கள்கிழமை கந்தசஷ்டி விழா தவசுக்காட்சி நடைபெற்றது. செவ்வாய்க்கிழமை(நவ.5) இரவு 7 மணிக்கு மேல் திருக்கல்யாணம் நடைபெறுகிறது.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai