சிறுமியைக் கடத்தி பாலியல் தொல்லை: தொழிலாளிக்கு ஆயுள்தண்டனை

தூத்துக்குடி அருகே சிறுமியைக் கடத்தி பாலியல் பலாத்காரம் செய்த வழக்கில் தொழிலாளிக்கு ஆயுள் தண்டனை விதித்து தூத்துக்குடி மகளிா் நீதிமன்றம் புதன்கிழமை தீா்ப்பளித்தது.

தூத்துக்குடி மாவட்டம், எட்டயபுரம் அருகேயுள்ள முதலிபட்டியைச் சோ்ந்தவா் பாண்டி (61). தொழிலாளியான இவா், கடந்த ஜனவரி 25ஆம் தேதி அப்பகுதியை மனவளா்ச்சி குன்றிய 13 வயதுச்சிறுமியைக் கடத்திச் சென்று பாலியல் பலாத்காரம் செய்தாராம். இதுதொடா்பாக முறையிட்ட அந்தச் சிறுமியின் பெற்றோருக்கு பாண்டி கொலை மிரட்டல் விடுத்துள்ளாா்.

இதுகுறித்து விளாத்திகுளம் அனைத்து மகளிா் காவல் நிலைய போலீஸாா் வழக்குப் பதிந்து பாண்டியைக் கைது செய்தனா்.

இந்த வழக்கு தூத்துக்குடி மகளிா் நீதிமன்றத்தில் நடைபெற்று வந்தது. வழக்கை நீதிபதி குமாா் சரவணன் விசாரித்து, பாண்டிக்கு ஆயுள் தண்டனை, ரூ. 3 ஆயிரம் அபராதம் விதித்து புதன்கிழமை தீா்ப்பளித்தாா். இதையடுத்து, மருத்துவப் பரிசோதனைக்குப் பிறகு, பாண்டி பாளையங்கோட்டை மத்திய சிறையில் அடைக்கப்பட்டாா்.