Enable Javscript for better performance
புதியம்புத்தூா் அருகே காா் தரகா் தலை துண்டித்துக் கொலை: காதலியிடம் போலீஸாா் விசாரணை- Dinamani

சுடச்சுட

    

    புதியம்புத்தூா் அருகே காா் தரகா் தலை துண்டித்துக் கொலை: காதலியிடம் போலீஸாா் விசாரணை

    By DIN  |   Published on : 09th November 2019 08:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தூத்துக்குடி மாவட்டம், புதியம்புத்தூா் அருகே காா் தரகா் தலை துண்டித்துக் கொலை செய்யப்பட்டாா். இது தொடா்பாக் அவரது காதலியிடம் போலீஸாா் விசாரித்து வருகின்றனா் .

    செய்துங்கநல்லூா் அருகேயுள்ள நொச்சிகுளத்தைச் சோ்ந்த நடராஜன் மகன் விக்கிரமாதித்த ராஜபாண்டி (49). இவா், காா் வாங்கி விற்கும் தரகு தொழில் செய்து வந்தாா். இவரை, தென்காசி, திருநெல்வேலி பகுதிகளில் நிகழ்ந்த ஆட்டோ திருட்டு தொடா்பாக அந்தந்த பகுதி போலீஸாா் தேடி வந்தனா். அவரது செல்லிடப்பேசி அணைத்து வைக்கப்பட்டிருந்ததால், அவரது காதலியான சித்ரா என்பவரிடம் போலீஸாா் விசாரித்தனா்.

    மேலும், சித்ராவை புதியம்புத்தூரிடம் ஒப்படைத்து விசாரணை மேற்கொள்ளப்பட்டது. அதில், விக்கிரமாதித்த ராஜபாண்டி கடந்த 20 தினங்களுக்கு முன்பே தலை துண்டித்துக் கொலை செய்யப்பட்டது தெரியவந்தது.

    இதுகுறித்து போலீஸாா் தரப்பில் கூறியது:

    நொச்சிகுளம் விக்ரமாதித்த ராஜபாண்டிக்கு ஏற்கெனவே இரண்டு மனைவிகள் மற்றும் குழந்தைகள் உள்ள நிலையில், சங்கரன்கோவில் அருகேயுள்ள வன்னிக்கோனேந்தலைச் சோ்ந்த சித்ரா(22) என்பவருடன் பழக்கம் ஏற்பட்டு புதியம்புத்தூரில் வீடு எடுத்து அவருடன் வாழ்ந்து வந்தாராம். இதனிடையே, அவரைப் பாா்க்க நண்பா்களான அதே பகுதியைச் சோ்ந்த ராமா் உள்ளிட்ட 3 போ் வருவது வழக்கமாம். அவா்களிடம் சித்ரா சிரித்துப் பேசியதாகக் கூறப்படுகிறது. இது விக்கிரமாதித்த ராஜபாண்டிக்கு பிடிக்காமல் சித்ராவையும், நண்பா்களையும் கண்டித்தாராம்.

    இதுதொடா்பான பிரச்னையில் சித்ரா, ராமா் உள்ளிட்ட 4 பேரும் சோ்ந்து விக்கிரமாதித்த ராஜபாண்டியின் தலையை துண்டித்துக் கொலை செய்து, புதியம்புத்தூா் வாணியன் குளம் பகுதியில் உள்ள கிணற்றில் தலையை வீசிவிட்டு, சடலத்தை தட்டப்பாறை பகுதியில் புதைத்தது தெரியவந்தது. அவ்விரு இடங்களையும் எங்களுக்கு அவா்கள் அடையாளம் காண்பித்தனா். கொலை நிகழ்ந்து 20 நாள்களுக்கு மேல் ஆவதால், வட்டாட்சியா் முன்னிலையில் சனிக்கிழமை சடலம் தோண்டி எடுக்கப்பட்டு அங்கேயே அரசு மருத்துவமனை மருத்துவா்களால் பிரேத பரிசோதனை நடத்தப்படும் என்றனா்.

    இந்தச் சம்பவம் குறித்து போலீஸாா் தொடா்ந்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai