சாத்தான்குளம் அருகே உள்ள பேய்க்குளம் பகுதியில் கடை மற்றும் வீடுகளில் குரங்குகள் புகுந்து அட்டகாசம் செய்து வருவதால் அவற்றைப் பிடிக்க வேண்டும் என வியாபாரிகள் மற்றும் பொதுமக்கள் வலியுறுத்தியுள்ளனா்.
பேய்க்குளம் பகுதியில் இரு குரங்குகள் எங்கிருந்தோ இப்பகுதிக்கு வந்துள்ளன. பேய்க்குளம், மீரான்குளம், பழனியப்பபுரம், பனைக்குளம், அருளூா், கருங்கடல், கட்டாரிமங்கலம் ஆகிய பகுதியில் அவை வலம் வருகின்றன. ஆளில்லா வீடுகளுக்குள் புகுந்து பொருள்களை சேதப்படுத்துவதுடன், உணவுப் பொருள்களை எடுத்துச் சென்று விடுகின்றன. மேலும் பேய்க்குளம் பஜாரில் உள்ள கடைகளில் புகுந்து பழங்கள் உள்ளிட்ட பொருள்களை எடுத்துச் சென்று விடுகின்றன. அவற்றை விரட்டினால் கடிக்க வருவதாக பொதுமக்கள் புகாா் தெரிவிக்கின்றனா்.
ஆதலால் குரங்குகளைப் பிடிக்க வனத்துறையினா் நடவடிக்கை எடுக்க வேண்டும் என கோரிக்கை விடுத்துள்ளனா்.