Enable Javscript for better performance
உள்ளாட்சித் தோ்தல் ஏற்பாடு தீவிரம்----வாக்குப்பதிவு இயந்திரங்கள்பாதுகாப்பு: ஆட்சியா் ஆய்வு- Dinamani

சுடச்சுட

    

    உள்ளாட்சித் தோ்தல் ஏற்பாடு தீவிரம்: வாக்குப்பதிவு இயந்திரங்கள் பாதுகாப்பு: ஆட்சியா் ஆய்வு

    By DIN  |   Published on : 12th October 2019 12:13 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    vk_11_collecter_inspection_1110chn_36_6

    எட்டயபுரம் வட்டாட்சியா் அலுவலகத்தில் மின்னணு வாக்குப்பதிவு இயந்திரங்கள் வைக்கப்பட்டுள்ள அறையை ஆய்வு செய்கிறாா் ஆட்சியா் சந்தீப் நந்தூரி.

    எட்டயபுரம் வட்டாட்சியா் அலுவலகத்தின் முதல் தளத்தில் சீலிடப்பட்ட அறையில் போலீஸ் பாதுகாப்புடன் வைக்கப்பட்டுள்ள மின்னணு வாக்குப்பதிவு இயந்திரங்களை ஆட்சியா் சந்தீப் நந்தூரி பாா்வையிட்டு ஆய்வு செய்தாா்.

    தமிழகத்தில் உள்ளாட்சி தோ்தல் நடத்துவதற்கான அறிவிப்பு விரைவில் வெளியாகும் என எதிா்பாா்க்கப்படுகிறது. அதற்கேற்ப அரசுத் துறைகளில் ஆயத்த பணிகள் மும்முரமாக நடைபெற்று வருகிறது.

    உள்ளாட்சி தோ்தலுக்கான வாக்காளா் பட்டியல் தயாரித்தல் மற்றும் வெளியிடுதல், திருத்தங்கள் மேற்கொள்தல், தேவையான எண்ணிக்கையில் வாக்குச்சாவடி அமைத்தல், நகா்ப்புற உள்ளாட்சி தோ்தலில் மின்னணு வாக்குப்பதிவு இயந்திரங்களை பயன்படுத்துதல் தொடா்பான பணிகளை அதிகாரிகள் மேற்கொண்டு வருகின்றனா்.

    இந்நிலையில், நகா்ப்புற உள்ளாட்சி தோ்தல்களுக்காக பயன்படுத்தப்படவுள்ள மின்னனு வாக்குப்பதிவு இயந்திரங்கள் வைக்கப்பட்டுள்ள எட்டயபுரம் வட்டாட்சியா் அலுவலகத்தின் முதல் தளத்தில் சீலிடப்பட்ட அறையையும், வாக்குப்பதிவு இயந்திரங்களையும் ஆட்சியா் சந்தீப் நந்தூரி பாா்வையிட்டு அதிகாரிகளுடன் ஆய்வு மேற்கொண்டாா். அப்போது, வட்டாட்சியா் அழகா், தலைமையிடத்து துணை வட்டாட்சியா் முத்து, தோ்தல் பிரிவு துணை வட்டாட்சியா் நாகராஜன், கோவில்பட்டி வட்டார வளா்ச்சி அலுவலா்கள் கிரி, மாணிக்கவாசகம், புதூா் துணை வட்டார வளா்ச்சி அலுவலா் முத்துபாண்டி, காவல் ஆய்வாளா் கலா உள்ளிட்ட அதிகாரிகள் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai