Enable Javscript for better performance
சாத்தான்குளத்தில் விவசாயத் தொழிலாளா்கள் மனு அளிக்கும் போராட்டம்- Dinamani

சுடச்சுட

    

    சாத்தான்குளத்தில் விவசாயத் தொழிலாளா்கள் மனு அளிக்கும் போராட்டம்

    By DIN  |   Published on : 12th October 2019 12:15 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sat11for_1110chn_38_6

    பல்வேறு கோரிக்கைகளை வலியுறுத்தி அகில இந்திய விவசாயத் தொழிலாளா்கள் சங்கத்தினா் வெள்ளிக்கிழமை சாத்தான்குளம் வட்டாட்சியா் அலுவலகத்தில் மனு கொடுக்கும் போராட்டம் நடத்தினா்.

    100 நாள் வேலையை 200 நாள்களாக உயா்த்த வேண்டும். அறிவிக்கப்பட்ட கூலியை வழங்க வேண்டும். வீடில்லாத அனைத்து குடும்பங்களுக்கும், அரசு நிலத்தில் பல ஆண்டுகளாக குடியிருப்பவா்களுக்கும் இலவச வீட்டுமனைப் பட்டா வழங்க வேண்டும். குடும்ப அட்டை இல்லாத அனைத்து குடும்பங்களுக்கும் புதிதாக குடும்ப அட்டை வழங்க வேண்டும் என்பன உள்ளிட்ட கோரிக்கைகளை வலியுறுத்தி அகில இந்திய விவசாயத் தொழிலாளா் சங்கத்தின் சாா்பில் நடைபெற்ற போராட்டத்துக்கு சங்க வட்டக் குழுத் தலைவா் முருகேசன் தலைமை வகித்தாா்.

    துணைத் தலைவா் பாக்கியலட்சுமி, மாவட்ட இணைச் செயலா் பாலகிருஷ்ணன், விவசாயிகள் சங்க வட்டத் தலைவா் கிருஷ்ணன், மாவட்டக் குழு உறுப்பினா் ஜேசுமணி ஆகியோா் முன்னிலை வகித்தனா். வட்டச் செயலா் ஜெயபால் வரவேற்றாா்.

    வட்டப் பொருளாளா் பாலசுந்தர கணபதி, கோரிக்கைகளை விளக்கிப் பேசினாா். இதையடுத்து 50-க்கும் மேற்பட்ட தொழிலாளா்கள் வட்டாட்சியா் ராஜலட்சுமியிடம் மனு அளித்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai