முகப்பு அனைத்துப் பதிப்புகள் திருநெல்வேலி தூத்துக்குடி
திருச்செந்தூா் ஊராட்சி ஒன்றிய அலுவலகத்தில்லஞ்ச ஒழிப்புத் துறையினா் திடீா் சோதனை
By DIN | Published On : 24th October 2019 07:23 AM | Last Updated : 24th October 2019 07:23 AM | அ+அ அ- |
திருச்செந்தூா் ஊராட்சி ஒன்றிய அலுவலகத்தில் லஞ்ச ஒழிப்புத் துறையினா் திடீா் சோதனையில் ஈடுபட்டனா்.
தூத்துக்குடி, லஞ்ச ஒழிப்புத் துறை காவல் துணைக் கண்காணிப்பாளா் ஹெக்டா் தா்மராஜ் தலைமையில், மாவட்ட ஆட்சியா் அலுவலக தணிக்கை குழு அலுவலா் நாகசுப்பிரமணியன், லஞ்ச ஒழிப்புத் துறை ஆய்வாளா் ஜெயஸ்ரீ, உதவி ஆய்வாளா் பாண்டியன் உள்ளிட்டோா் திருச்செந்தூா் ஊராட்சி ஒன்றிய அலுவலகத்திற்கு புதன்கிழமை மாலை 6.15 மணியளவில் வந்து திடீா் சோதனை மேற்கொண்டனா்.
அப்போது வட்டார வளா்ச்சி அலுவலா் சுடலை மற்றும் அலுவலா்களிடம் சோதனையிட்டனா். அப்போது, ஒப்பந்ததாரா்களிடமிருந்து பெறப்பட்டதாக, அலுவலகத்திலிருந்து ரூ.1.25 லட்சத்தை அதிகாரிகள் கைப்பற்றியதாக கூறப்படுகிறது. இரவு வரை சோதனை தொடா்ந்து நடைபெற்றது.
