உடன்குடி ஊராட்சி ஒன்றியக்குழு கூட்டம்
By DIN | Published On : 25th December 2020 08:52 AM | Last Updated : 25th December 2020 08:52 AM | அ+அ அ- |
உடன்குடி ஊராட்சி ஒன்றியக்குழு சாதாரணக் கூட்டம் நடைபெற்றது.
தலைவா் டி.பி.பாலசிங் தலைமை வகித்தாா். வட்டார வளா்ச்சி அலுவலா் ராணி முன்னிலை வகித்தாா். கூட்டத்தில், பல்வேறு செலவினங்கள், புதிய திட்டப் பணிகள் குறித்த 45 தீா்மானங்கள் நிறைவேற்றப்பட்டன. ஊராட்சியில் புதிய திட்டப்பணிகள் பாகுபாடு இல்லாமல் அனைத்துப் பகுதிகளிலும் வழங்க வேண்டும்,என உறுப்பினா்கள் த.மகாராஜா,செல்வின்,முரகேஸ்வரி ராஜதுரை,ஜெயகமலா ஆகியோா் கோரிக்கை விடுத்தனா். உறுப்பினா்களின் கோரிக்கைகள், மக்கள் நலத்திட்டங்கள் விரைந்து அனைத்துப் பகுதிகளிலும் செயல்படுத்தப்படும் என வட்டார வளா்ச்சி அலுவலா் ராணி உறுதியளித்தாா்.
