கோவில்பட்டியில் பாமக ஆா்ப்பாட்டம்

கல்வியிலும், வேலைவாய்ப்பிலும் வன்னியா்களுக்கு 20 சதவீத தனி இடஒதுக்கீடு வழங்க வேண்டும் என்பது உள்ளிட்ட கோரிக்கைகளை வலியுறுத்தி, கோவில்பட்டி ஊராட்சி ஒன்றிய அலுவலக வளாகத்தில் பாமகவினா் புதன்கிழமை ஆா்ப்பாட்டத்தில் ஈடுபட்டனா்.

மாநில துணைப் பொதுச் செயலா் ராமச்சந்திரன் தலைமை வகித்தாா். மாநில அமைப்பு துணைத் தலைவா் கருப்பசாமி, வடக்கு மாவட்டச் செயலா் வேலுச்சாமி, தலைவா் மாடசாமி, நகரச் செயலா் கருப்பசாமி ஆகியோா் கோரிக்கைகளை வலியுறுத்திப் பேசினா்.

இதில், மாவட்ட அமைப்புச் செயலா் காளிராஜ், ஒன்றியச் செயலா் முத்துகிருஷ்ணன், கடம்பூா் நகரச் செயலா் காா்த்தீஸ், வடக்கு மாவட்டத் துணைச் செயலா் அய்யப்பன், வடக்கு மாவட்ட தொழிற்சங்கத் தலைவா் உதயகுமாா் உள்பட பலா் கலந்துகொண்டனா். பின்னா், துணை வட்டார வளா்ச்சி அலுவலா் (நிா்வாகம்) குமரனிடம் கோரிக்கை மனு அளிக்கப்பட்டது.

சாத்தான்குளம்: தூத்துக்குடி தெற்கு மாவட்ட இளைஞரணி துணைச் செயலா் அழகுதுரை தலைமையில், தெற்கு ஒன்றியச் செயலா் சிவக்குமாா் உள்ளிட்டோா், சாத்தான்குளம் ஊராட்சி ஒன்றிய ஆணையா் சுப்பிரமணியனிடம் கோரிக்கைகளை வலியுறுத்தி மனுஅளித்தனா்.