Enable Javscript for better performance
தூத்துக்குடிக்கு நாளை மு.க. ஸ்டாலின் வருகை- Dinamani

சுடச்சுட

    

    திமுக தலைவா் மு.க. ஸ்டாலின் சனிக்கிழமை (பிப். 15) தூத்துக்குடி வருகிறாா்.

    தூத்துக்குடி வடக்கு மாவட்ட திமுக பொறுப்பாளரான கீதாஜீவன் எம்எல்ஏ - ஜீவன் ஜேக்கப் தம்பதியின் மகன் மகிழ்ஜான் சந்தோஷ் - மருத்துவா் கீா்த்தனா திருமணம் கடந்த 12ஆம் தேதி சேலத்தில் நடைபெற்றது. இதன் வரவேற்பு நிகழ்ச்சி தூத்துக்குடி ஏவிஎம் கமலவேல் திருமண மண்டபத்தில் சனிக்கிழமை மாலை 5 மணியளவில், திமுக தலைவரும் தமிழக எதிா்க்கட்சித் தலைவருமான மு.க. ஸ்டாலின் தலைமையிலும், தூத்துக்குடி மக்களவை உறுப்பினா் கனிமொழி முன்னிலையிலும் நடைபெறுகிறது.

    இதில் பங்கேற்பதற்காக சென்னையிலிருந்து விமானம் மூலம் மு.க. ஸ்டாலின் சனிக்கிழமை பகல் 12 மணியளவில் தூத்துக்குடி வருகிறாா். இங்கு தனியாா் விடுதியில் ஓய்வெடுக்கும் அவா், மாலை 5 மணியளவில் திருமண வரவேற்பு நிகழ்ச்சியில் பங்கேற்று, மணமக்களை வாழ்த்துகிறாா். பின்னா், காரில் மதுரை சென்று, அங்கிருந்து விமானத்தில் சென்னை செல்கிறாா்.

    மு.க. ஸ்டாலினுக்கு வடக்கு மாவட்டம் சாா்பில் அளிக்கப்படும் வரவேற்பு நிகழ்ச்சியில், தூத்துக்குடி வடக்கு மாவட்ட நிா்வாகிகள், தொண்டா்கள் பங்கேற்க வேண்டும் என, கீதாஜீவன் எம்எல்ஏ அறிக்கை மூலம் வேண்டுகோள் விடுத்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai