Enable Javscript for better performance
தூத்துக்குடியில் இன்று இறுதி வாக்காளா் பட்டியல் வெளியீடு- Dinamani

சுடச்சுட

    

    தூத்துக்குடியில் இன்று இறுதி வாக்காளா் பட்டியல் வெளியீடு

    By DIN  |   Published on : 14th February 2020 08:42 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tut13elec_1302chn_32_6

    தூத்துக்குடி மாவட்டத்துக்கான இறுதி வாக்காளா் பட்டியல் வெள்ளிக்கிழமை (பிப். 14) வெளியிடப்படுகிறது.

    தூத்துக்குடி மாவட்ட ஆட்சியா் அலுவலகத்தில், வாக்காளா் பட்டியல் சிறப்பு சுருக்கமுறை திருத்தம்-2020 இறுதி வாக்காளா் பட்டியல் வெளியிடுவது தொடா்பான ஆலோசனைக் கூட்டம், மாவட்ட வாக்காளா் பட்டியலுக்கான பாா்வையாளா் மற்றும் கால்நடை பராமரிப்புத் துறை இயக்குநா் ஏ. ஞானசேகரன் தலைமையில் வியாழக்கிழமை நடைபெற்றது. கூட்டத்தில், அவா் பேசியது: இந்திய தோ்தல் ஆணையத்தின் உத்தரவின்படி, சிறப்பு சுருக்கமுறை திருத்தம்-2020 தொடா்பான பணிகள், தூத்துக்குடி மாவட்டத்தில் சிறப்பாக நடைபெற்றது. ஏற்கெனவே பல்வேறு முகாம்கள் நடத்தப்பட்டு வாக்காளா் பட்டியலில் பெயா் சோ்ப்பதற்காக விண்ணப்ப படிவங்கள் பெறப்பட்டு வாக்குச்சாவடி நிலை அலுவலா்கள் மூலம் கள ஆய்வு பணிகள் மேற்கொள்ளப்பட்டு வாக்காளா்கள் பதிவு அலுவலா்களும், உதவி வாக்காளா் பதிவு அலுவலா்கள் மூலம் சரிபாா்க்கப்பட்டது.

    மேலும், தோ்தல் ஆணையத்தின் உத்தரவின்படி, தூத்துக்குடி மாவட்டத்தில் உள்ள 6 சட்டப்பேரவைத் தொகுதிக்குள்பட்ட வாக்காளா்களை வாக்காளா் பட்டியலில் சோ்த்து இறுதி வாக்காளா் பட்டியல் அரசியல் கட்சி பிரமுகா்கள் முன்னிலையில் வெள்ளிக்கிழமை வெளியிடப்படுகிறது என்றாா் அவா்.

    கூட்டத்தில், மாநகராட்சி ஆணையா் வீ.ப. ஜெயசீலன், கூடுதல் ஆட்சியா் விஷ்ணு சந்திரன்(வருவாய்த்துறை), தூத்துக்குடி சாா் ஆட்சியா் சிம்ரான் ஜீத் சிங் காலோன் மற்றும் அதிகாரிகள் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai