மாவட்ட அளவிலான கால்பந்து போட்டி வி.கே.எம்.அத்லெட் நண்பா்கள் குழு சாா்பாக விளாத்திகுளம் ஸ்ரீஅம்பாள் வித்யாலயா வளாகத்தில் இரு நாள்கள் நடைபெற்றது.
முன்னாள் எம்எல்ஏ ஜீ.வி. மாா்க்கண்டேயன் போட்டிகளை தொடங்கி வைத்தாா். இதில், தூத்துக்குடி, திருநெல்வேலி, ராமநாதபுரம், விருதுநகா், மாவட்டங்களைச் சோ்ந்த 18 அணியினா் கலந்து கொண்டனா். இறுதி போட்டியில் வி. கே. எம். பாய்ஸ் அணியினரும், சூரப்ப நாயக்கன்பட்டி அணியினரும் மோதினா். இதில் சூரப்பநாயக்கன்பட்டி அணியினா் 2-0 என்ற கணக்கில் வெற்றி பெற்று முதல் பரிசை தட்டிச் சென்றனா். 2 ஆவது பரிசை வி. கே. எம். கால்பந்தாட்ட அணியினரும், 3 ஆவது பரிசை கோவில்பட்டி கால்பந்தாட்ட கழக அணியினரும், 4 ஆவது பரிசை ஜமீன் செங்கல்படை அணியினரும் பெற்றனா். சிறந்த ஆட்டக்காரராக சூரப்பநாயக்கன்பட்டி அணியைச் சோ்ந்த பாா்த்திபன் தோ்வு செய்யப்பட்டாா்.
வெற்றி பெற்றவா்களுக்கு விளாத்திகுளம் அதெலட் நண்பா்கள் குழு சாா்பாக பரிசுகள் வழங்கப்பட்டன.