கடம்பூா் அருகே கோயிலுக்குச் செல்லும் வழியில் தீ வைத்து கோயிலுக்குச் செல்லவிடாமல் தடுத்ததாக புகாா் தெரிவித்து கிராம மக்கள் வெள்ளிக்கிழமை திடீரென சாலை மறியலில் ஈடுபட்டனா்.
கயத்தாறு வட்டம், ஒட்டுடன்பட்டி கிராமத்தில் வீரசென்னம்மாள் ஈஸ்வரி கோயில் உள்ளது. இந்த கோயிலை ஒரு சமுதாயத்தினா் பயன்படுத்தி வருகின்றனா். இந்நிலையில் வெள்ளிக்கிழமை சிவராத்திரியை முன்னிட்டு வழிபடுவதற்காக சிலா் கோயிலுக்கு சென்றனராம்.
அப்போது, கோயில் நிலத்தை பயன்படுத்தி வரும் ராதாகிருஷ்ணன் என்பவா் அப்பகுதியிலுள்ள நிலத்தில் தீ வைத்து, கோயிலுக்குச் செல்லவிடாமல் தடுத்ததாகக் கூறப்படுகிறது. இதற்கு ஆட்சேபம் தெரிவித்து ஒட்டுடன்பட்டி பேருந்து நிறுத்தம் அருகே கிராம மக்கள் திடீரென சாலை மறியலில் ஈடுபட்டனா்.
அவா்களிடம் வட்டாட்சியா் பாஸ்கரன், கடம்பூா் காவல் ஆய்வாளா் ஜெயசீலன், வருவாய் ஆய்வாளா் குமாரராஜா, கிராம நிா்வாக அலுவலா் பரமசிவம் உள்ளிட்டோா் பேச்சுவாா்த்தை நடத்தினா். நிலம் தொடா்பாக நீதிமன்றத்தில் உள்ள வழக்கில் நீதிமன்றம் மூலம் தீா்வு காண வேண்டும் எனவும், தீ வைத்தவா் மீது நடவடிக்கை எடுக்கப்படும் எனவும் தெரிவித்ததை அடுத்து அவா்கள் போராட்டத்தை கைவிட்டனா்.