நாசரேத் பொறியியல் கல்லூரியில் காவலன் செயலி விளக்க முகாம்
By DIN | Published On : 11th January 2020 12:21 AM | Last Updated : 11th January 2020 10:45 PM | அ+அ அ- |
நாசரேத் ஜெயராஜ் அன்னபாக்கியம் சி.எஸ்.ஐ. பொறியியல் கல்லூரியில் நாட்டு நலப் பணித் திட்டம் சாா்பாக காவலன் செயலி விளக்க விழிப்புணா்வு முகாம் நடைபெற்றது.
சாத்தான்குளம் டி.எஸ்.பி. பால்துரை தலைமை வகித்தாா். நாசரேத் காவல் ஆய்வாளா் சகாயசாந்தி முன்னிலை வகித்தாா். மெக்கானிக்கல் துறைத் தலைவா் எபநேசா் சாமுவேல் ஆரம்ப ஜெபம் செய்தாா். நாட்டு நலப் பணித் திட்ட அலுவலா் ஞானசெல்வன் வரவேற்றாா்.
முகாமில், காவலன் செயலி பற்றி மாணவிகளுக்கு விளக்கம் அளிக்கப்பட்டது. கல்லூரி முதல்வா் ஜெயக்குமாா், தாளாளா் ஏ.ஆா். சசிகரன் ஆகியோா் உரையாற்றினா். வழக்குரைஞா் தியோனிஷ் சசிமாா்சன் மற்றும் மாணவிகள் கலந்துகொண்டனா். நாட்டு நலப் பணித் திட்ட ஒருங்கிணைப்பாளா் ஜேஸ்மின் சொா்ணகிருபா நன்றி கூறினாா்.
ஏற்பாடுகளை நாட்டு நலப் பணித் திட்ட அலுவலா் ஞானசெல்வன், உதவியாளா் ஜெபசிங் மற்றும் ஆசிரியா்கள், அலுவலா்கள் செய்திருந்தனா்.
