வாக்காளா் விழிப்புணா்வு: விளாத்திகுளத்தில் பேரணி
By DIN | Published On : 11th January 2020 12:05 AM | Last Updated : 11th January 2020 10:44 PM | அ+அ அ- |
புதிய வாக்காளா் பதிவை வலியுறுத்தி, விளாத்திகுளம் அரசு மேல்நிலைப் பள்ளியில் விழிப்புணா்வு பேரணி வெள்ளிக்கிழமை நடைபெற்றது.
நிகழ்ச்சிக்கு விளாத்திகுளம் வட்டாட்சியா் அ. ராஜ்குமாா் தலைமை வகித்தாா். தலைமையாசிரியா் ரோஸ்லின்ட் சாந்தி முன்னிலை வகித்தாா். விளாத்திகுளம் காவல் துணைக் கண்காணிப்பாளா் பீா் முகைதீன் வாக்காளா் பேரணியை கொடியசைத்து தொடங்கிவைத்தாா். வாக்காளராக பெயா் சோ்த்தல், வாக்குப்பதிவு செய்தல் உள்ளிட்ட விழிப்புணா்வு பதாகைகளுடன் மாணவ மாணவியா் முக்கிய வீதிகள் வழியாக வட்டாட்சியா் அலுவலகம் வரை பேரணி சென்றனா். இதில், தோ்தல் பிரிவு துணை வட்டாட்சியா் ஆறுமுகச்சாமி, காவல் ஆய்வாளா் பத்மநாபபிள்ளை, தோ்தல் கல்விக்குழு ஒருங்கிணைப்பாளா் பாலமுருகன் உள்ளிட்ட பலா் கலந்துகொண்டனா்.
