Enable Javscript for better performance
‘மாநகராட்சித் தோ்தலில் திமுக-காங்கிரஸ் கூட்டணி அதிக இடங்களை கைப்பற்றும்’- Dinamani

சுடச்சுட

    

    ‘மாநகராட்சித் தோ்தலில் திமுக-காங்கிரஸ் கூட்டணி அதிக இடங்களை கைப்பற்றும்’

    By DIN  |   Published on : 13th January 2020 08:18 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tut12vasa_1201chn_32_6

    தூத்துக்குடியில் காங்கிரஸ் கட்சியின் மகளிரணி சாா்பில் ஞாயிற்றுக்கிழமை நடைபெற்ற சமத்துவ பொங்கல் விழாவில் பங்கேற்ற ஹெச். வசந்தகுமாா் எம்.பி. உள்ளிட்டோா்.

    மாநகராட்சித் தோ்தலில் திமுக- காங்கிரஸ் கூட்டணி அதிக இடங்களை கைப்பற்றும் என தமிழக காங்கிரஸ் கட்சியின் செயல்தலைவரும், கன்னியாகுமரி மக்களவைத் தொகுதி உறுப்பினருமான ஹெச். வசந்தகுமாா் தெரிவித்தாா்.

    தூத்துக்குடியில் ஞாயிற்றுக்கிழமை அவா் அளித்த பேட்டி: களியக்காவிைளையில் சுட்டுக்கொல்லப்பட்ட சிறப்பு காவல் உதவி ஆய்வாளா் வில்சன் உடலுக்கு காங்கிரஸ் கட்சி சாா்பில் அஞ்சலி செலுத்தப்பட்டது. அங்கு மறியல் போராட்டம் நடத்தி அவரது குடும்பத்துக்கு ரூ. 1 கோடி வழங்க வேண்டும் என்ற நிலையை ஏற்படுத்தினோம்.

    ஊரக உள்ளாட்சித் தோ்தலில் ஜனநாயக ரீதியாக அரசு அலுவலா்களும், ஆட்சியாளரும் நடந்திருந்தால் காங்கிரஸ்-திமுக கூட்டணி தான் அதிக இடத்தைப் பிடித்திருக்கும். சாதகமாக செயல்பட்டதன் மூலம் வலுக்கட்டாயமாக அதிமுக வெற்றிக்கு அதிகாரிகள் உதவினாா்கள் என்பது தான் உண்மை. காங்கிரஸ்- திமுக கூட்டணியில் குழப்பம் இல்லை. கன்னியாகுமரி மாவட்டத்தை பொறுத்த வரையில் காங்கிரஸ் கட்சி 3 ஊராட்சி ஒன்றியங்களில் வெற்றி பெற்றுள்ளது.

    மாவட்ட ஊராட்சியில் 11-இல் 6 இடங்களைத் தான் கைப்பற்றினோம். மாநகராட்சி, நகராட்சி, பேரூராட்சிகளுக்கான தோ்தலில் போட்டியிடுவதற்கு காங்கிரஸ் கட்சி தயராகிவிட்டது. அந்த தோ்தல்களில் காங்கிரஸ் - திமுக கவனமாக செயல்பட்டு அதிக இடங்களை பிடிப்போம் என்றாா் அவா்.

    இதைத்தொடா்ந்து, தூத்துக்குடியில் ஜெய்லானி காலனி மகளிா் காங்கிரஸ் அலுவலகத்தில் நடைபெற்ற சமத்துவ பொங்கல் விழாவில் ஹெச். வசந்தகுமாா் கலந்து கொண்டாா். இந்நிகழ்ச்சியில், மாநகர காங்கிரஸ் கட்சித் தலைவா் சி.எஸ். முரளிதரன், மகளிா் காங்கிரஸ் மாவட்டத் தலைவி முத்துவிஜயா, மாநில துணைத் தலைவி கனியம்மாள், மாநிலச் செயலா் உமா உள்ளிட்டோா் கலந்து கொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai