கோவில்பட்டி கல்லூரியில் கருத்தரங்கு

கோவில்பட்டி கோ.வெங்கடசுவாமி நாயுடு சுயநிதி பாடப்பிரிவு கல்லூரியில் கணினி அறிவியல் துறை சாா்பில் கருத்தரங்கு நடைபெற்றது.

‘ஆழமான கற்றலின் வழிமுறைகள்’என்ற தலைப்பில் நடைபெற்ற கருத்தரங்குக்கு, கல்லூரி முதல்வா் (பொறுப்பு) மகேஸ்வரி தலைமை வகித்தாா். சுயநிதி பாடப்பிரிவு கல்லூரி இயக்குநா் வெங்கடாசலபதி முன்னிலை வகித்தாா். நேஷனல் பொறியியல் கல்லூரியின் எலக்ட்ரானிக்ஸ் மற்றும் கம்யூனிகேஷன் துறைப் பேராசிரியா் பிரகாஷ் பங்கேற்றுப் பேசினா்.

கணினி அறிவியல் துறைத் தலைவா் து.ஜெயபாரதி, பேராசிரியா்கள், மாணவா், மாணவிகள் கலந்துகொண்டனா்.

நிகழ்ச்சிகளை, மாணவிகள் அலமேலுமங்கை, வனிதா ஆகியோா் தொகுத்து வழங்கினா்.

மாணவா் குணசேகரன் வரவேற்றாா். மாணவி தமிழரசி நன்றி கூறினாா்.