தூத்துக்குடி மாவட்டத்தில் நாளை மதுக்கடைகளை மூட உத்தரவு

தூத்துக்குடி மாவட்டத்தில் திருவள்ளுவா் தினத்தை முன்னிட்டு வியாழக்கிழமை (ஜன. 16) மற்றும் ஜனவரி 26 ஆம் தேதிகளில் மதுக்கடைகளை மூட உத்தரவிடப்பட்டுள்ளது.

இதுகுறித்து மாவட்ட ஆட்சியா் சந்தீப் நந்தூரி வெளியிட்ட செய்திக் குறிப்பு: தூத்துக்குடி மாவட்டத்தில், திருவள்ளுவா் தினத்தை முன்னிட்டு வியாழக்கிழமையும் (ஜன. 16), குடியரசு தினத்தை முன்னிட்டு ஜன. 26 ஆம் தேதியும் தமிழ்நாடு மதுபான சில்லறை விற்பனை விதிகளின் படி அனைத்து டாஸ்மாக் மதுபானக் கடைகள் மற்றும் அதனுடன் இணைந்த மதுக்கூடங்கள் அனைத்தும் மற்றும் உரிமம் பெற்ற மதுக்கூடங்கள் அனைத்தும் மூடப்பட்டிருக்க வேண்டும்.

அன்றைய தினங்களில் மதுபான விற்பனை, மதுபானத்தை ஒரு இடத்தில் இருந்து மற்றொரு இடத்துக்கு கடத்துதல், மதுபானத்தை பதுக்கி வைத்தல் போன்ற செயல்கள் கண்டறியபட்டால் சம்பந்தப்பட்ட நபா்கள் மீது தமிழ்நாடு மதுவிலக்கு அமலாக்கச் சட்டத்தின் கீழ் குற்றவியல் நடவடிக்கை மேற்கொள்ளப்படும் என தெரிவிக்கப்பட்டுள்ளது.