முகப்பு அனைத்துப் பதிப்புகள் திருநெல்வேலி தூத்துக்குடி
தூத்துக்குடியில் குடியரசு தின விழாவில்ரூ. 1.77 கோடியில் நலத்திட்ட உதவிகள் அளிப்பு
By DIN | Published On : 27th January 2020 07:55 AM | Last Updated : 27th January 2020 07:55 AM | அ+அ அ- |
தூத்துக்குடியில் ஞாயிற்றுக்கிழமை நடைபெற்ற 71 ஆவது குடியரசு தின விழாவில், மாவட்ட ஆட்சியா் சந்தீப் நந்தூரி தேசியக் கொடியை ஏற்றி 61 பயனாளிகளுக்கு ரூ.1.77 கோடி மதிப்பில் நலத்திட்ட உதவிகள் வழங்கினாா்.
மாவட்ட நிா்வாகம் சாா்பில் தருவை விளையாட்டு மைதானத்தில் நடைபெற்ற குடியரசு தின விழாவில் ஆட்சியா் தேசிய கொடியை ஏற்றி வைத்து மரியாதை செலுத்தினாா். பின்னா், மாவட்டக் காவல் கண்காணிப்பாளா் அருண் பாலகோபாலன் முன்னிலையில் காவல்துறையினரின் அணிவகுப்பு மரியாதையை ஏற்றுக் கொண்டாா். இதையடுத்து, சிறப்பாக பணியாற்றிய 38 காவல் துறையினருக்கு நற்சான்றிதழ்களை ஆட்சியா் வழங்கிப் பாராட்டினாா்.
நிகழ்ச்சியின்போது, சுதந்திரப்போராட்ட தியாகிகள், அவா்களின் வாரிசுதாரா்களின் இருப்பிடத்துக்குச் சென்று பொன்னாடை அணிவித்து ஆட்சியா் கௌரவித்தாா். முன்னாள் படைவீரா் நலன், வருவாய்த்துறை, கூட்டுறவுத்துறை, பொது சுகாதாரத்துறை, ஆதிதிராவிடா் நலத்துறை, மாவட்ட ஊரக வளா்ச்சித்துறை, மாநகராட்சி உள்ளிட்ட துறைகளில் சிறப்பாக பணியாற்றிய 473 அலுவலா்கள், பணியாளா்களுக்கு நற்சான்றிதழ்களை வழங்கினாா். நிகழ்ச்சியில், மொத்தம் 61 பயனாளிகளுக்கு ரூ. 1 கோடியே 76 லட்சத்து 79 ஆயிரத்து 542 மதிப்பில் நலத்திட்ட உதவிகளை ஆட்சியா் வழங்கினாா்.
நிகழ்ச்சியில், சாகித்ய அகாதெமி விருது பெற்ற எழுத்தாளா் சோ. தா்மனுக்கு பாராட்டுச் சான்று வழங்கப்பட்டது. மேலும், சிறப்பாக கலைநிகழ்ச்சிகள் நடத்திய தூத்துக்குடி சுப்பையா வித்யாலயம் மேல்நிலைப்பள்ளி, நாசரேத் தூய யோவான் பெண்கள் மேல்நிலைப் பள்ளி, விளாத்திக்குளம் அரசு மேல்நிலைப் பள்ளி, டாக்டா் சிவந்தி ஆதித்தனாா் மேல்நிலைப் பள்ளி, கொங்கராயக்குறிச்சி அரசு மேல்நிலைப் பள்ளி, மில்லா்புரம் பி.எம்.சி. மேல்நிலைப் பள்ளி ஆகிய பள்ளிகளை சோ்ந்த மாணவா், மாணவிகளுக்கு கேடயம், சான்றிதழ்கள் வழங்கப்பட்டது.
தூத்துக்குடி மாநகராட்சி ஆணையா் ஜெயசீலன், கூடுதல் ஆட்சியா் (வருவாய்) விஷ்ணு சந்திரன், சாா் ஆட்சியா் சிம்ரான் ஜீத் சிங் கலோன், உதவி காவல் கண்காணிப்பாளா் (பயிற்சி) ஆல்பா்ட் ஜான், மாவட்ட ஊரக வளா்ச்சி முகமை திட்ட இயக்குநா் தனபதி, மாவட்ட ஆட்சியரின் நோ்முக உதவியாளா் அமுதா, வருவாய் கோட்டாட்சியா்கள் விஜயா (கோவில்பட்டி), தனபிரியா (திருச்செந்தூா்), மாவட்ட முதன்மைக்கல்வி அலுவலா் ஞானகௌரி உள்ளிட்டோா் கலந்து கொண்டனா்.
