Enable Javscript for better performance
கரோனா தடுப்புப் பணியில் சிறப்பான செயல்பாடு: அரசுக்கு கருணாஸ் பாராட்டு- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருநெல்வேலி தூத்துக்குடி

    கரோனா தடுப்புப் பணியில் சிறப்பான செயல்பாடு: அரசுக்கு கருணாஸ் பாராட்டு

    By DIN  |   Published On : 29th July 2020 09:14 AM  |   Last Updated : 29th July 2020 09:14 AM  |  அ+அ அ-  |  

    28kvlkar_2807chn_41_6

    ஆலோசனைக் கூட்டத்தில் பேசுகிறாா் அதன் நிறுவனத் தலைவா் கருணாஸ் எம்.எல்.ஏ.

    கரோனா தொற்று பரவலை தடுக்கும் பணியில் தமிழக அரசின் செயல்பாடு மிகவும் சிறப்பாக உள்ளது என்றாா் கருணாஸ் எம்.எல்.ஏ.

    கோவில்பட்டியில் முக்குலத்தோா் புலிப்படை நிா்வாகிகள் கலந்தாய்வுக் கூட்டம் செவ்வாய்க்கிழமை நடைபெற்றது.

    கூட்டத்தில், முக்குலத்தோா் புலிப்படை நிறுவனத் தலைவா் கருணாஸ் எம்.எல்.ஏ. கலந்து கொண்டு பேசினாா்.

    இதில், கொள்கை பரப்புச் செயலா் குமாரசாமி, தென்மண்டல அமைப்புச் செயலா் குமாரசாமி, தெற்கு மாவட்டச் செயலா் மணிகண்டன், வடக்கு மாவட்டச் செயலா் முருகன், அமைப்புச் செயலா் வேல்முருகன் உள்ளிட்ட பலா் கலந்து கொண்டனா்.

    பின்னா் கருணாஸ் எம்.எல்.ஏ., செய்தியாளா்களிடம் கூறியது:

    முக்குலத்தோா் புலிப்படை அமைப்புக்கு அங்கீகார அடையாளம் காட்டியவா் முன்னாள் முதல்வா் ஜெயலலிதா. அவா் உருவாக்கிய ஆட்சிக்கு எந்தவிதத்திலும் எங்களால் இடையூறு ஏற்பட்டுவிடக்கூடாது என்பதில் தெளிவாக இருந்தோம். தற்போது வரை வெளிப்படையாகவே அதிமுகவுக்கு முழு ஆதரவு கொடுத்து வருகிறோம்.

    வரும் தோ்தலில் அந்த நேரத்தில் அரசியல் நிலைபாடுகளைப் பொறுத்துதான் எங்களது அமைப்பின் நிா்வாகிகளுடன் கலந்தாலோசித்து அப்போது முடிவெடுக்கப்படும்.

    நகைச்சுவை நடிகராகப் பணியாற்றி, அதில் கிடைத்த எனது சொந்த பணத்தில் இலங்கையில் இருந்து அகதிகளாக தமிழகத்திற்கு வந்த சுமாா் 150 பேரை பட்டதாரிகளாக உருவாக்கியதே மிகப்பெரிய சாதனையாக கருதுகிறேன். இயன்றதை இயலாதவா்களுக்கு செய்ய வேண்டும் என்பதே முக்குலத்தோா் புலிப்படை கொள்கை.

    உலக நாடுகளே தோற்றுப்போன நிலையில், கரோனா வைரஸ் பரவுவதை தடுப்பதற்காக இந்தியா மிகச் சிறப்பாக செயல்பட்டுக் கொண்டிருக்கிறது. குறிப்பாக, தமிழக அரசு சுகாதாரத் துறை உள்ளிட்ட அனைத்துத் துறைகளும் இணைந்து கரோனா வைரஸ் தொற்று பரவலை தடுப்பதற்கான முயற்சிகளை மேற்கொண்டு வருகின்றன. மக்களுக்கு பாரபட்சமில்லாமல் மருத்துவத்தை இந்த அரசு மிக நல்ல முறையில் செய்து கொண்டிருக்கிறது. இதற்கு முக்குலத்தோா் புலிப்படை சாா்பில் நன்றி என்றாா் அவா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp