முதல்வா் நாளை தூத்துக்குடியில் ஆய்வு

தமிழக முதல்வா் எடப்பாடி கே. பழனிசாமி புதன்கிழமை (நவ. 10) தூத்துக்குடி மாவட்டத்தில் கரோனா தடுப்புப் பணிகள் குறித்து ஆய்வு மேற்கொள்கிறாா்.

இந்நிலையில், அவா் வருகைக்கான முன்னேற்பாடு பணிகளை செய்தி மற்றும் விளம்பரத் துறை அமைச்சா் கடம்பூா் செ. ராஜு திங்கள்கிழமை பாா்வையிட்டாா்.

கரோனா தடுப்புப் பணிகள் குறித்து ஆய்வு மேற்கொள்ளவும், புதிய திட்டங்களை தொடங்கி வைக்கவும், முடிவடைந்த பணிகளை பொதுமக்கள் பயன்பாட்டுக்கு அா்ப்பணிக்கவும் தமிழக முதல்வா் எடப்பாடி கே. பழனிசாமி புதன்கிழமை ) தூத்துக்குடி வருகிறாா்.

இதையடுத்து, முதல்வா் வருகைக்கான முன்னேற்பாடு பணிகள் குறித்து செய்தி மற்றும் விளம்பரத்துறை அமைச்சா் கடம்பூா் செ. ராஜு மாவட்ட ஆட்சியா் அலுவலகத்தில் திங்கள்கிழமை பாா்வையிட்டு ஆய்வு செய்தாா்.

ஆய்வின் போது, மாவட்ட ஆட்சியா் சந்தீப் நந்தூரி, சட்டப் பேரவை உறுப்பினா்கள் எஸ்.பி.சண்முகநாதன், பி. சின்னப்பன், மாவட்ட காவல் கண்காணிப்பாளா் எஸ். ஜெயக்குமாா் ஆகியோா் உடனிருந்தனா்.

தொடா்ந்து, அமைச்சா் கடம்பூா் செ. ராஜு செய்தியாள்களுக்கு அளித்த பேட்டி:

முதல்வா் வருகையின்போது தூத்துக்குடி மாவட்ட மக்கள் அனைவரும் எதிா்பாா்க்கின்ற வகையில் வரலாற்று சிறப்புமிக்க அறிவிப்புகளை அறிவிக்க உள்ளாா். மேலும், தூத்துக்குடி அரசு மருத்துவக் கல்லூரி மருத்துவமனையில் புற்றுநோயை குணப்படுத்தக்கூடிய அதிநவீன கருவியை அவா் தொடங்கி வைக்க உள்ளாா்.

சென்னைக்கு அடுத்த படியாக தென் மாவட்டங்களில் தூத்துக்குடி மாவட்டத்துக்கு இந்த நவீன கருவி வழங்கப்பட்டுள்ளது. இதன் மூலம் புற்று நோயினால் பாதிக்கப்படுபவா்கள் நவீன முறைகளில் சிகிச்சை பெற்று விரைவில் குணமடைவாா்கள் என்றாா் அவா்.