திருச்செந்தூரில் கந்த சஷ்டி விழா யாகசாலை பூஜையுடன் தொடக்கம்: வீடுகளில் இருந்தபடியே பக்தா்கள் விரதம்

திருச்செந்தூா் அருள்மிகு சுப்பிரமணிய சுவாமி திருக்கோயிலில் கந்த சஷ்டி திருவிழா யாகசாலை பூஜையுடன் ஞாயிற்றுக்கிழமை தொடங்கியது. கரோனா தடுப்பு வழிகாட்டுதலின்படி கோயிலில் தங்கி விரதமிருக்க அனுமதியில்லாததால் பக்தா்கள் தங்கள் வீடுகளில் இருந்தபடியே விரதத்தை தொடங்கினா்.

அறுபடை வீடுகளில் இரண்டாம் படை வீடான திருச்செந்தூா் அருள்மிகு சுப்பிரமணிய சுவாமி திருக்கோயில் தல வரலாற்றை உணா்த்தும் கந்த சஷ்டி திருவிழா ஞாயிற்றுக்கிழமை காலையில் யாகசாலை பூஜையுடன் தொடங்கியது. இதையொட்டி, அதிகாலை ஒரு மணிக்கு கோயில் நடைதிறக்கப்பட்டு, 1.30 மணிக்கு விஸ்வரூப தீபாராதனையும், 2 மணிக்கு உதய மாா்த்தாண்ட அபிஷேகமும் நடைபெற்றன, காலை 6 மணிக்கு சுவாமி ஜெயந்திநாதா் வள்ளி, தெய்வானையுடன் யாகசாலையில் எழுந்தருளினாா்.

யாகசாலையில் கும்பங்கள் வைக்கப்பட்டதைத் தொடா்ந்து, தமிழக செய்தி மற்றும் விளம்பரத் துறை அமைச்சா் கடம்பூா் செ.ராஜு, இணை ஆணையா் (பொ) கல்யாணி உள்ளிட்டோா் பூஜை நடத்துவதற்கான நிா்வாக அனுமதியை சிவாச்சாரியா்களிடம் வழங்கும் நிகழ்ச்சி நடைபெற்றது. பின்னா், யாகசாலையில் பூஜைகளாகி, சுவாமிக்கு சிறப்பு அபிஷேகம் மற்றும் அலங்காரம் நடைபெற்றது. நண்பகலில் மூலவருக்கு உச்சிகால அபிஷேகம் முடிந்து தீபாராதனை நடைபெற்றதும், யாகசாலையில் மகா தீபாராதனை நடைபெற்றது.

அதைத் தொடா்ந்து, சுவாமி ஜெயந்திநாதா் யாகசாலையிலிருந்து தங்கச் சப்பரத்தில் வள்ளி, தெய்வானையுடன் எழுந்தருளி பிராகாரம் வழியாக பக்தா்கள் வேல்வகுப்பு, வீரவாள் வகுப்பு பாட 108 மகாதேவா் சன்னதி முன்பு சோ்ந்தாா். மாலையில் அங்கு வைத்து சுவாமிக்கு அபிஷேகம், அலங்காரம் நடைபெற்று, சுவாமி தங்கச் சப்பரத்தில் எழுந்து பிரகாரம் சுற்றி வந்தாா். முதல் நாளில் சுவாமி தரிசனம் செய்வதற்கு பக்தா்கள் நீண்ட வரிசையில் நின்றனா்.

சூரசம்ஹாரம்: கந்த சஷ்டி 5-ஆம் திருநாளான நவ. 19-ஆம் தேதி வரை அதிகாலை 3 மணிக்கு நடைதிறக்கப்பட்டு இதே நிகழ்ச்சிகளும், 6-ஆம் திருநாளான நவ. 20-ஆம் தேதி மாலை 4.30 மணிக்கு கிழக்கு கிரிபிராகாரத்தில் சூரசம்ஹார நிகழ்வும் நடைபெறுகிறது. மறுநாள் திருக்கல்யாண தோள் மாலை மாற்றும் வைபவம் திருக்கோயில் உள்ளேயும் நடைபெறுகிறது.

கரோனா பொது முடக்கம் காரணமாக திருக்கோயில் மற்றும் விடுதிகளில் தங்கி விரதமிருக்க பக்தா்களுக்கு தடை விதிக்கப்பட்டுள்ளது. மேலும், சுவாமி ஜெயந்திநாதா் எழுந்தருளும் நிகழ்ச்சி திருக்கோயில் உள்ளேயே நடைபெறுகிறது. தங்கத் தோ் கிரிவீதி உலா ரத்து செய்யப்பட்டுள்ளது.

இந்நிலையில், சூரசம்ஹார ஏற்பாடுகளை ஆட்சியா் செந்தில்ராஜ் நேரில் ஆய்வு செய்தாா். அப்போது, மாவட்ட எஸ்.பி. எஸ்.ஜெயக்குமாா், ஏஎஸ்பி ஹா்ஷ்சிங் உள்ளிட்டோா் உடனிருந்தனா்.

பக்தா்கள் சுவாமி தரிசனம்: இதனிடையே, முதல்நாள் முதல் 5-ஆம் நாள் வரை (நவ. 15- 19) ஆன்லைன் மூலம் பதிவு செய்த மற்றும் நேரடியாக என சுமாா் 10 ஆயிரம் பக்தா்கள் இலவச மற்றும் ரூ. 100 கட்டணத்தில் காலை 6 மணி முதல் மாலை 6 மணி வரை சுவாமி தரிசனம் செய்வதற்கு அனுமதிக்கப்பட்டுள்ளனா். இதில், பகல் 11.30 மணி முதல் பிற்பகல் 2 மணி வரை சுவாமி ஜெயந்திநாதா் உச்சிக்கால தீபாராதனையாகி யாகசாலை மண்டபத்தில் இருந்து எழுந்தருளி பிராகாரம் வழியாக 108 மகாதேவா் சன்னதி சேரும் வரை பக்தா்களுக்கு சுவாமி தரிசனம் செய்திட அனுமதியில்லை. மேலும், மாலை 6 மணிக்கு மேல் திருக்கோயில் வளாகத்தில் பக்தா்கள் இருக்க அனுமதியில்லை. திருக்கோயில் கடற்கரையில் புனித நீராடவோ, காதுகுத்தி வேண்டுதல் நிறைவேற்றவோ, பூஜை பொருள்கள் கொண்டு செல்லவோ தடை விதிக்கப்பட்டுள்ளது.

இதேபோல தனியாா் விடுதிகளில் 7 நாள்களுக்கு மொத்த பதிவு செய்வதற்கு தடை விதிக்கப்பட்டுள்ளது. விடுதிகள் மற்றும் மடங்களில் அன்னதானம் வழங்கத் தடை விதிக்கப்பட்டுள்ளது. 6-ஆம் நாள் சூரசம்ஹார விழா மற்றும் 7-ஆம் நாள் திருக்கல்யாண நிகழ்ச்சிகளில் பங்கேற்க பக்தா்களுக்கு அனுமதியில்லை. அன்றைய தினங்களில் தனியாா் விடுதிகள் மற்றும் மடங்களில் தங்குவதற்கு பக்தா்களுக்கு அனுமதியில்லை. திருக்கோயில் சாா்பில் பக்தா்களுக்கு அன்னதானம் பொட்டலங்களாக வழங்கப்பட்டு வருகிறது.

நேரலையில் விழா ஒளிபரப்பு : திருவிழா நாள்களில் அனைத்து நிகழ்வுகளையும் (நவ.15-19) காலை 7 மணி முதல் நண்பகல் 12 மணி வரை யாகசாலை பூஜை, மாலை 4 மணி முதல் மாலை 4.30 மணி வரை சுவாமி ஜெயந்திநாதா் அபிஷேகம் அலங்கார தீபாராதனை, நவ. 20-ஆம் தேதி காலை 6 மணி முதல் நண்பகல் 12 மணி வரை சூரசம்ஹாரம், பிற்பகல் 1.30 மணி முதல் பிற்பகல் 2 மணி வரை சுவாமி ஜெயந்திநாதா் அபிஷேகம், அலங்கார தீபாராதனை, மாலை 4.30 மணிக்கு சூரசம்ஹாரம் நிகழ்வு, நவ. 21-ஆம் தேதி மாலை 6 மணிக்கு மாலை மாற்றுதல், இரவு 11 மணி திருக்கல்யாண நிகழ்ச்சி ஆகியவை கோயில் இணையதளத்தில் நேரலையில் ஒளிபரப்ப ஏற்பாடு செய்யப்பட்டுள்ளது. திருக்கோயில் வளாகத்தில் எல்.இ.டி. டிவிக்களும் வைக்கப்பட்டுள்ளன.

திருவிழா ஏற்பாடுகளை திருக்கோயில் தக்காா் ரா.கண்ணன் ஆதித்தன், இணை ஆணையா் (பொ) கல்யாணி, உதவி ஆணையா் வே.செல்வராஜ் மற்றும் திருக்கோயில் பணியாளா்கள் செய்துள்ளனா்.