நாசரேத் அருகே நடைபெற்ற கிரிக்கெட் போட்டியில் மணி நகா் அணி வெற்றி பெற்று முதல் பரிசை வென்றது.
தீபாவளி பண்டிகையை முன்னிட்டு நாசரேத் அருகே உள்ள மூக்குப்பீறி-ஞானராஜ் நகா் நியூஸ் கிளப் சாா்பில் மூன்றாம் ஆண்டு கிரிக்கெட் போட்டிகள் நடைபெற்றன. மூக்குப்பீறி ஊராட்சி மன்ற உறுப்பினா் கலை அரசு தலைமை வகித்து போட்டியை தொடங்கி வைத்தாா். இதில், 16 அணிகள் பங்கேற்றன. இறுதிப் போட்டியில் மணிநகா் திரிஸ்டாா் அணியும், ஞானராஜ் நகா் நியூஸ் கிளப் அணியும் மோதின. இதில் மணிநகா் திரி ஸ்டாா் அணி வெற்றி பெற்றது.
பின்னா் நடைபெற்ற பரிசளிப்பு விழாவுக்கு நாசரேத் பேரூராட்சி முன்னாள் தலைவா் ரவி செல்வகுமாா் தலைமை வகித்து வெற்றி பெற்ற மணிநகா் அணிக்கு கோப்பை மற்றும் ரொக்க பரிசுகளை வழங்கினாா். மூக்குப்பீறி ஊராட்சி மன்ற உறுப்பினா்கள் ஆறுமுகம், கலை அரசு ஆகியோா் முன்னிலை வகித்தனா்.