2021 தோ்தல் தமிழகத்தை மீட்கும் தோ்தலாக அமையும்: கனிமொழி எம்பி.

தமிழக மக்களை அனைத்து துயரங்களில் இருந்து மீட்கும் தோ்தலாக 2021 தோ்தல் அமையும் என்றாா் கனிமொழி எம்.பி.

திருச்செந்தூா் அருகேயுள்ள தண்டுபத்தில் வெள்ளிக்கிழமை நடைபெற்ற காயல்பட்டினம் நகராட்சி திமுக வாக்குச்சாவடி முகவா்கள் ஆலோசனைக் கூட்டத்தில் பங்கேற்று அவா் பேசியதாவது:

2021 சட்டப் பேரவைத் தோ்தல் தமிழக மக்களை அனைத்து துயரங்களிலிருந்தும் மீட்கும் தோ்தலாக அமையும். அதிமுக ஆட்சியில் மாநிலத்தின் அனைத்து உரிமைகளும் மத்திய அரசால் பறிக்கப்பட்டுள்ளன. மத்திய பாஜகவின் அனைத்து மக்கள் விரோத திட்டங்கள், சட்டங்களையும், மதரீதியாக மக்களை பிளவுபடுத்தும் பாஜகவின் நடவடிக்கைகளை மறைமுகமாகவும் அதிமுக அரசு ஆதரிக்கிறது. அனைத்து தரப்பினரும் கடுமையாக பாதிப்புக்குள்ளாக்கி வரும் இந்த ஆட்சி 2021 தோ்தலில் மக்களால் அகற்றப்படும் என்றாா்.

தூத்துக்குடி தெற்கு மாவட்ட திமுக பொறுப்பாளா் அனிதா ஆா்.ராதாகிருஷ்ணன் எம்எல்ஏ தலைமை வகித்தாா்.காயல்பட்டினம் நகரச் செயலா் முத்து முகமது, மாநில தலைமைச் செயற்குழு உறுப்பினா் ஜெகன், மாவட்ட இளைஞரணி அமைப்பாளா் ராமஜெயம், ஆழ்வாா்திருநகரி ஊராட்சித் தலைவா் ஜனகா், உடன்குடி ஒன்றியக்குழு தலைவா் பாலசிங், துணைத் தலைவி மீராசி ராஜூதீன், திருச்செந்தூா் ஒன்றியச் செயலா் ரமேஷ், நகர செயலா் சுடலை, மாவட்ட ஊராட்சி உறுப்பினா் ஜெசி பொன்ராணி, மாவட்ட இலக்கிய அணி அமைப்பாளா் ராஜபாண்டி, ஆழ்வாா்திருநகரி கிழக்கு ஒன்றியச் செயலா் நவீன்குமாா் ஆகியோா் முன்னிலை வகித்தனா். வழக்குரைஞா் கிருபாகரன் வரவேற்றாா். இதில் , திமுக மாவட்ட நெசவாளா் அணி அமைப்பாளா் மகாவிஷ்ணு, மாவட்ட வா்த்தக அணி துணை அமைப்பாளா்கள் ரவிராஜா, இளங்கோ, நகர இளைஞரணி அமைப்பாளா் அஜய் உள்பட பலா் கலந்துகொண்டனா்.

முன்னதாக, செட்டியாபத்து ஊராட்சியில் மியாவாக்கி முறையில் உருவாக்கப்பட்டுள்ள காடுகளையும், அதன் அருகில் உருவாக்கப்படவுள்ள நீா்ப்பிடிப்பு குளப் பகுதிகளையும் கனிமொழி எம்.பி. பாா்வையிட்டு, இப்பணியை மேற்கொண்ட ஊராட்சி த் தலைவா் பாலமுருகனைப் பாராட்டினாா்.