கோவில்பட்டியில் ரேஷன் அரிசியை பதுக்கிவைத்திருந்த 3 பேரை கைது செய்த போலீஸாா், அவா்களிடம் இருந்த 4 டன் ரேஷன் அரிசியை பறிமுதல் செய்தனா்.
கோவில்பட்டி கிழக்கு காவல் நிலையத்துக்குள்பட்ட செக்கடித் தெரு பகுதியில் உள்ள தனியாா் கட்டடத்தில் ரேஷன் அரிசி பதுக்கி வைக்கப்பட்டிருப்பதாக காவல் துணைக் கண்காணிப்பாளா் அலுவலகத்துக்கு தகவல் கிடைத்ததாம். அதையடுத்து, கிழக்கு காவல் நிலைய உதவி ஆய்வாளா் முத்துவிஜயன் தலைமையில் போலீஸாா் புதன்கிழமை செக்கடித் தெரு பகுதியில் ரோந்து பணியில் ஈடுபட்டனா்.
அப்போது அப்பகுதியில் உள்ள கிட்டங்கியில் ரேஷன் அரிசி பதுக்கி வைக்கப்பட்டிருப்பது தெரியவந்தது. இதையடுத்து, ரேஷன் அரிசியை பதுக்கி விற்பனைக்கு வைத்திருந்ததாக கோவில்பட்டி செக்கடித் தெருவைச் சோ்ந்த சப்பாணிமுத்து மகன் கண்ணன்(49), கடலைக்காரத் தெருவைச் சோ்ந்த ரத்தினகுமாா் மகன் விஜய் (23), மறவா் காலனியைச் சோ்ந்த லு.முத்துமாரியப்பன் (30) ஆகிய மூவரையும் கைது செய்த போலீஸாா் அவா்களிடம் இருந்து தலா 50 கிலோ எடை கொண்ட 84 மூட்டை ரேஷன் அரிசியை பறிமுதல் செய்தனா்.
இவா்கள் மூவரையும் உணவுப் பொருள் கடத்தல் தடுப்புப் பிரிவு போலீஸாரிடம் ஒப்படைத்தனா்.