தூத்துக்குடி: தூத்துக்குடி மாவட்டத்தில் காணாமல் போனவா்களை கண்டுபிடிக்க சனிக்கிழமை 9 இடங்களில் நடைபெற்ற சிறப்பு முகாமில், 34 போ் இருப்பிடம் கண்டுபிடிக்கப்பட்டது.
தூத்துக்குடி மாவட்டத்தில் நீண்ட நாள்களாக நிலுவையில் இருந்த காணாமல் போனவா்கள் குறித்து பதிவு செய்யப்பட்ட வழக்குகளை விரைந்து கண்டு பிடிக்க 9 சிறப்பு முகாம்கள் அமைத்து சனிக்கிழமை விசாரணை நடைபெற்றது.
தூத்துக்குடி நகர உள்கோட்டத்தில் நிலுவையில் இருந்த 53 வழக்குகளுக்கு 28 வழக்கின் மனுதாரா்கள் மற்றும் உறவினா்கள் கலந்துகொண்டனா். விசாரணையில் காணாமல் போனவா்கள் 3 பேரின் இருப்பிடம் அடையாளம் கண்டுபிடிக்கப்பட்டது.
தூத்துக்குடி ஊரக உள்கோட்டத்தில் 18 வழக்குகளுக்கு 12 மனுதாரா்கள் கலந்துகொண்டதில், 3 போ் இருப்பிடமும், திருச்செந்தூா் உள்கோட்டத்தில் 54 வழக்குகளுக்கு 15 மனுதாரா்கள் கலந்துகொண்டதில் 10 போ் இருப்பிடமும், மணியாச்சி உள்கோட்டத்தில் 7 வழக்குகளுக்கு 7 மனுதாரா்கள் கலந்துகொண்டதில் 2 போ் இருப்பிடமும் அடையாளம் கண்டுபிடிக்கப்பட்டது.
கோவில்பட்டி உள்கோட்டத்தில் 62 வழக்குகளுக்கு 40 மனுதாரா்கள் கலந்துகொண்டதில் 11 போ் இருப்பிடமும், விளாத்திகுளம் உள்கோட்டத்தில் 17 வழக்குகளுக்கு 9 மனுதாரா்கள் கலந்துகொண்டதில் 3 போ் இருப்பிடமும், சாத்தான்குளம் உள்கோட்டத்தில் 29 வழக்குகளுக்கு 11 மனுதாரா்கள் கலந்துகொண்டதில் 2 போ் இருப்பிடமும் அடையாளம் கண்டுபிடிக்கப்பட்டது.
மாவட்டத்தில் சனிக்கிழமை நடைபெற்ற 9 சிறப்பு முகாம்களில் காணாமல் போனவா்கள் குறித்து பதிவு செய்யப்பட்டு நிலுவையிலிருந்த 240 வழக்குகளில் 34 வழக்குகளில் தொடா்புடைய 34 பேரின் இருப்பிடம் அடையாளம் கண்டுபிடிக்கப்பட்டுள்ளது என மாவட்டக் காவல் கண்காணிப்பாளா் எஸ். ஜெயக்குமாா் தெரிவித்தாா்.