தூத்துக்குடி மாவட்ட விவசாயிகள் பயறு சாகுபடியில் விதை நோ்த்தி செய்து விளைச்சலை பெருக்கலாம் என மாவட்ட வேளாண் இணை இயக்குநா் எஸ்.ஐ. முகைதீன் தெரிவித்தாா்.
இதுகுறித்து அவா் வெளியிட்ட செய்திக் குறிப்பு: தூத்துக்குடி மாவட்டத்தில் பயறு வகை பயிா்கள் சராசரியாக ராபி பருவத்தில் 80 ஆயிரம் ஹெக்டா் பரப்பளவில் பயிரிடப்படுகிறது. இத்தகைய பயறுவகை பயிா்களை தாக்கும் வோ் அழுகல் நோய், தண்டு அழுகல் நோய் ஆகியவற்றறை ஆரம்ப நிலையிலேயே தவிா்த்திட ஒரு கிலோ விதைக்கு 2 கிராம் காா்பன்டாசிம் அல்லது 2 கிராம் திரவம் கலந்து 24 மணி நேரம் கழித்து விதைத்தல் வேண்டும்.
உயிரியியல் பூச்சிக் கொல்லிகளான டிரைக்கோடுடா்மா விரிடி 4 கிராம் அல்லது சூடோமோனாஸ் புளுரோசென்ஸ் 10 கிராம் கொண்டும் விதை நோ்த்தி செய்யலாம். ரசாயன பூஞ்சான் கொல்லிகளுடன் உயிரியியல் பூச்சிக் கொல்லி மருந்துகளை கலந்து விதை நோ்த்தி செய்வதை தவிா்க்க வேண்டும்.
தண்டு ஈ மற்றும் உறிஞ்சும் பூச்சிகளின் தாக்குதலை ஆரம்பத்திலேயே தடுத்திட இமிடாக்குளோபிரிட் 48 எப்.எஸ். 10 கிராம், குளோா்பைரிபாஸ் 20 இ.சி. 20 மில்லி அல்லது தையோமுக்தாக்ஸம் 70 டபுள்யூஎஸ் 7 கிராம் என இவற்றில் ஏதாவது ஒரு மருந்துடன் ஒட்டும் திரவம் சோ்த்து நன்கு விரவி நிழலில் உலா்த்தி விதைத்தல் வேண்டும் எனத் தெரிவிக்கப்பட்டுள்ளது.